به‌رده‌ڕه‌ش... پیاوێك ژن و كوڕێكی خۆی ده‌كوژێت

شەممە, 17 ئازار 2018 12:08

 

ئه‌مرۆ شه‌ممه‌، لە سنوری قەزای بەردەڕەش، پیاوێک به‌ گوللـه‌ هێرش ده‌كاته‌ سه‌ر ژن و دوو کوڕی خۆی، له‌مباره‌یه‌وه‌ پۆلیسی دهۆك زانیاری زیاتر ئاشكرا ده‌كات.

له‌ لاپه‌ڕه‌ی تایبه‌تی خۆی له‌ تۆڕی كۆمه‌ڵایه‌تی فه‌یسبووك، هێمن سلێمان بەرپرسی پەیوەندییەکان و ڕاگەیاندنی پۆلیسی دهۆک بڵاویکردەوە، ئه‌مرۆ 17ی ئازاری 2018، لە سنوری قەزای بەردەڕەش پیاوێکی تەمەن ٥٠ ساڵ، بە دەستدرێژی گوللـە ژنەکەی و کۆڕێکی خۆی کە تەمەنی ١٣ ساڵە، کوشتووە و کوڕێکی ١١ ساڵەشی بریندار کردووە.


ئه‌و به‌رپرسه‌ی پۆلیس وتیشی: بە پێی لێکۆلینەوە سەرەتاییەکان دەرکەوتووە کە ئەو پیاوە کێشەی دەرونی هەیە و لێكۆڵینه‌وه‌ له‌ رووداوه‌كه‌ ده‌ستی پێكردووه‌.

 

 

ش.م