بەرپرسێکی هاوپەیمانی پشتیوانی لە کاندیدێکی پارتی دەکات

دوو شەممە, 23 نیسان 2018 17:45

بەرپرسی پەیوەندییەکانی لیستی هاوپەیمانی دیموکراسیی و دادپەروەری پشتیوانی خۆی بۆ کاندیدێکی پارتی دیموکراتی کوردستان راگەیاند و ئاماژەی بەوەدا ،"جێی خۆیەتی دەنگدەرانی سەرجەم لیستەکان کەسانی وەک ئەحمەد سەفار بنێرنە بەغدا".

دڵشاد عەبدولڕەحمان لەلاپەڕەی تایبەتی خۆی لە فەیسبووک نوسیویەتی "ئەمشەو بینەری بەرنامەی 10 پرسیاری رۆژنامەنووس و پێشکەشکاری بەتوانا رەنج سەنگاوی بووم. میوانی بەرنامەکەی بەڕێز د. ئەحمەد سەفار بوو، کە کاندیدی پارتییە لە دهۆک و پسپۆڕی بواری دارایی و زانستی ژمێریارییە، لە کۆتایی بەرنامەکە، سەرەڕای سەرنجە سیاسییەکانم لەسەر کاندیدی ناوبراو، گەیشتمە ئەو قەناعەتەی جێی خۆیەتی دەنگدەرانی سەرجەم لیستەکان کەسانی وەک ئەحمەد سەفار لە لیستەکانیانەوە بنێرنە بەغدا".