پارتی: یەكێتی دڵی بە كلیكێكی برادەران خۆشە لەبری هەڵەبجە لەسەر حەوجیە كردویانە

چوار شەممە, 16 ئایار 2018 06:44


ئەندامێكی سەركردایەتی پاریتی ڕایدگەیەنێت ئەو ساختەكاریەی ڕویداوە لە هەڵبژاردندا دەرەنجامی 12ی ئۆكتۆبەرە و دەبوو ئەوكاتە لایەنە ناڕازیەكان دەنگین هەڵبڕیبایا، پێشی وایە یەكێتی دڵی بە كلیكێكی برادەران خۆش دەكات كە لەبری هەڵەبجە لەسەر حەویجە كراوە وەك پاداشتی ڕادەستكردنی كەركوك، وەك ئاماژەیەك بۆ ئەو دەنگە زۆرەی یەكێتی بە پلەی یەكەم لە حەوجیە هێناویەتی لەكاتێكدا یەك كورد نیشتەجێی ئەو ناوچەیە نیە.


عەلی عەونی، ئەندامی سەركردایەتی پارتی لەوەڵامی سەعدی ئەحمەد پیرە كە وتبوی یەكێتی ڕێگەی نەدا كەركوك وەك موسل َو شەنگالی لێ بێت و كەركوكیەكان ئەوەیان لەبەرچاوو بووە بە میدیای نیزك لە حیزبەكەی دەڵێت "كەركووك فرۆشرا و خیانەتێكی گەورەی لێ كرا و ڕادەستكرا، ئەوان دڵیان بەو كلیكە خۆشە كە لە حەویجە بە خەیاڵی حەڵەبجە (هەڵەبجە)وە بۆیان كراوە".

لەبارەی وێرانكردنی كەركووكەوە لەلایەن سوپای عێراقەوە، سەركردەكەی پارتی ڕوونی كردەوە: "سوپای عێراق نە سوپای توركیایە، نە سوپای ڕووس، نە سوپای ئەمریكا، لەبەر ئەوەی ئەگەر سوپای عێراق بیتوانیبا كەركووك وەك ڕەقە و كۆبانی لێ بكات، ئەوا ڕانەدەوەستا، ئەو سوپا فاشیل و شكستخواردووە بەھێز نەھات، بەڵكوو بە خیانەت كەركووكیان گرت، لەبەر ئەوەی ئەوان ھێنایان تا بگەنە حاجی ئۆمەران و برایم خەلیل“.


جەختیشی لەوە كردەوە كە ئەو دەنگانەی یەكێتی لە كەركووك هێناویەتی، ”كلیكی برادەرانە و پاداشتی ڕادەستكردنەكەیە، ئەی باشە حزبەكان بۆ ھەموویان لێیان ناڕازین و ھیچ یەكێكیان بەو دەرەنجامە ڕازی نییە كە ئەوان ھێناویانە؟“.