ئەبوبەکر کاروانی: دەبێت میللەت بڵێت نەخێر بۆ خەمساردی و بێباکی

چوار شەممە, 16 ئایار 2018 14:26

مامۆستا ئه‌بوبه‌كر كاروانی سه‌ركرده‌ی دیاری یه‌كگرتوو رایدەگەیەنێت، هەندێک هێز لە کوردستان بە هەر رێگایەکی دزی و تاڵانی بێت شەڕی مانەوەی خۆیان دەکەن، دەشڵێت، دەبێت میللەت بڵێت" نەخێر بۆ خەمساردی و بێباکی". 

ئەبوبەکر کاروانی، لەمیانی بەشداریکردنی لە رووماڵێکی کەناڵی خەندان، رایگەیاند، بەو گۆڕانکارییانەی لە دوای ٢٠٠٣ روویداوە لە عێراق داڕوخانێک هەیە لە هەندێک هێزدا ، کە دەیانەوێ بە هەر رێگایەکی دزی و تاڵانی دەنگ شەڕی مانەوەی خۆیان بکەن. 

وتیشی، ئەوەی روویدا بێ لایەنی و بەرپرسیارێتی کۆمسیۆن دەخاتە ژێر پرسیارەوە، من ناتوانم ئەوە بڵێم کە ئەوان بە تەواوی لەمە بەرپرسن یاخود فشاریان لەسەرە بەڵام ئەوە روونە کە هەڵبژاردنێکی پاک و بێگەرد بەڕێوەنەچووە. 


f.q