نوێترین زانیاری لەبارەی هەواڵی كۆچی دوایی بەرپرسەباڵاكەی یەكێتی

پێنج شەممە, 17 ئایار 2018 19:53

هه‌واڵی كۆچی دوایی  سكرتێری ئه‌نجوومه‌نی ناوه‌ندی یه‌كێتی نیشتمانی كوردستان بڵاوده‌بێته‌وه‌ و میدیای فه‌رمی یه‌كێتییش ده‌ڵێت ته‌ندرووستی ناجێگیره‌.

دوای ئەوەی چەند ماڵپەرێك و هەروەها لەتۆرەكۆمەڵایەتیەكان هەواڵی مردنی  سكرتێری ئه‌نجوومه‌نی ناوه‌ندی یه‌كێتی نیشتمانی بڵاوبۆوە بەڵام تا ئێستا میدیای فه‌رمی یه‌كێتی هه‌واڵی كۆچی دوایی عادل مورادی بڵاونه‌كردووه‌ته‌وه‌ كە پێشتر بۆ مه‌به‌ستی وه‌رگرتنی چاره‌سه‌ری، گه‌یه‌نرابووه‌ وڵاتی ئه‌ڵمانیا و له‌ یه‌كێك له‌ نه‌خۆشخانه‌ی شاری كۆڵن چاره‌سه‌ری وه‌رده‌گرت.

لەمبارەیەوە لەتیف نێرۆیی وتەبێژی ئەنجوومەنی ناوەندی یەکێتی  رایگه‌یاند كە  عادل موراد لە ژیاندا ماوە و باری تەندروستی ناجێگیرە و لە ژێر چاودێری ووردی  پزیشکیدایە.

عادل موراد له‌دایكبووی ساڵی 1949ی به‌غدایه‌, یه‌كێكە له‌ دامه‌زرێنه‌رانی یه‌كێتی نیشتمانی و له‌ ماوه‌ی ساڵانی نێوان 2004-2009 باڵیۆزی عێراق بووه‌ له‌ وڵاتی رۆمانیا.

 

هونەر بانەگوڵانی