گەنجێك لەكاتی ڕزگاركردنی گەشتیارێكی میوان خنكا، هۆڵێك دەكرێت بە ناویەوە

دوو شەممە, 18 حوزەیران 2018 09:09

 

 

دەستەی گشتی گەشتوگوزاری هەریمی كوردستان ڕایدەگەیەنێت: ئەو گەنجەی خۆی كردە قوربانی گەشتیارێكی میوان سومبولی قوربانی بەرزی میواندۆستی و رێزگرتن لە گەشتیار سەیر دەكات و بریار دەدات كە هۆلی سەنتەری ڕاهینانی گەشتیاری لە شاری هەولێر وەك ڕیزگرتن بەناوی جەبار عوسمان بكات.

 

دەستەی گشتی گەشتوگوزاری هەریمی كوردستان لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند:" رووداوی خنكانی هاوڵاتیەكی هەرێمی كوردستان لە پێناو رزگاركردنی گیانی گەشتیارێكی میوان، رووداوێكی كەموێنەیە و پڕاوپڕە لە هەستی مرۆڤایەتی و لە رێزگرتن لە میوان و گەشتیار، چونكە لە كاتی خنكانی ئافرەتە گەشتیارەكە كوڕەكانی خۆی لەوێ ئامادەبوونە، بەڵام جەباری تەمەن 19 ساڵ و جوانە مەرگ خۆی كردۆتە قوربانی و ئەمە ئەو راستیەییە كە خزمەتكردنی میوان و پاراستنی گیانی میوان لە هەرەشە و مەترسی لە كۆنەوە تایبەتمەندیكی كۆمەڵگەی كوردەواری بووە و لە كولتووری كوردی رەنگیداوەتەوە".

 

لە ڕاگەیەندراوەكەدا ئەوەش هاتووە: دەستەی گەشتوگوزاری هەرێمی كوردستان هاوڵاتی جەبار عوسمان ئەحمەد وەك سومبولی قوربانی بەرزی میواندۆستی و رێزگرتن لە گەشتیار سەیر دەكات و بریار دەدات كە هۆلی سەنتەری راهینانی گەشتیاری لە شاری هەولێر وەك ریزگرتن بەناوی جەبار عوسمان بكات و بیكاتە سومبلی قوربانی میوانداری.

 

 

 

 

س ب