تەنها بۆ رۆژانی جەژن، ئاماری لەدایك بوونی منداڵان بڵاوكرایەوە

سێ شەممە, 19 حوزەیران 2018 05:47

 

 

بەرێوەبەرایەتی گشتی تەندروستی پارێزگای دهۆك ئاماری رووداوەكانی لە پارێزگای دهۆك راگەیاندو لەماوەی ئەو سێ‌ ڕۆژەی جەژنیشدا لەو پارێزگایە (273) منداڵ لە دایكبوون.

(حەمزە مەحمود) بەرپرسی راگەیاندنی بەرێوەبەرایەتی گشتی تەندروستی دهۆك لە كۆنگرەیەكی ڕۆژنامەوانیدا ڕایگەیاند، لە سێ رۆژی جەژنی رەمەزاندا لە نەخۆشخانەكانی منداڵبوون لە سنووری پارێزگای دهۆك (273) منداڵ لەدایكبوون، كە ئەوانیش (121) كچ و (152) كوڕ بوون.

ناوبراو وتیشی، لە ماوەی رۆژانی جەژن لە سنووری پارێزگای دهۆك (12) هەزارو (184) كەس سەردانی بەرێوەبەرایەتی و بنكە تەندروستییەكانیان كردووەو (83) نەشتەرگەری ئەنجامدراون، هەروەها لە رۆژانی جەژن (31) رووداو لە رێگای تیمی (122) گەیەنراون بە نەخۆشخانەكان و توانراوە كچێكی هەرزەكار لە یەكێك لە كەمپەكانی دهۆك رزگار بكرێت كە هەوڵی خۆ كوشتنی دابوو.

ڕوونیشی كردەوە، كە لە رۆژانی جەژن حەوت شوێنی فرۆشتن و بازرگانی بەهۆی پابەندنەبوون بە رێنماییەكان داخراون و (81) شوێنی تریش بە سزای مادی سزادراون.

ئاماژەی بەوەشكرد كە (45) حاڵەتی سووتان لە سنووری پارێزگای دهۆك روویداوە كە ئەوانیش (18) كەس لە ئەنجامی شەرە چەقۆ بۆ نەخۆشخانە گواستراونەتەوەو (14) حاڵەتیش كەوتنی هاوڵاتیان بوون.

 

 

ئـ . كـ