ئەمینداری گشتی یەكگرتوو: خوشكان خاوەنی یەكگرتوون

چوار شەممە, 18 تەمموز 2018 10:19

 

 

ئەمینداری گشتی یەكگرتووی ئیسلامی كوردستان ڕایدەگەیەنێت: خوشكان لە ناو یەكگرتوودا خۆیان خاوەنی یەكگرتوون یەكگرتووبونیان لەبەر خاتری كەس نیە بەڵكو لەپێناوخاك و ئاین و نیشتیماندایە.

 

دوێنێ سێ شەممە 17ی تەمموزی 2018 لەمیانەی بەشداری كردنی لە خێوەتگەیەك لە هۆڵی گوڵ عەنبەری شارۆچكەی خورماڵ كە دەزگای خوشكان بۆ كارگێری لقەكانی سازكردبوو، مامۆستا صلاح الدین محمد بەهائەدین ئەمینداری گشتی یەكگرتوو وێرای دەستخۆشیی و سوپاس چالاكیەكانیان رایگەیاند: خوشكان لە ناو یەكگرتوودا خۆیان خاوەنی یەكگرتوون داواكارین بەردەوام و زیاتر گەرم و گورتربن.

 

هەروەها ڕاشیگەیاند: خوشكان لە ناو یەكگرتوودا لەبەر خاتری كەس یەكگرتوو نین، بەڵكو لەبەر ئەو ئەركەی لەسەریانە و لەبەرامبەر خاك و خەڵك و خودا بەرپرسیارن كە چی بكەن باشە، بۆیە یەكگرتوون.

 

 

 

 

س ب