سلێمانی ... دوو تۆمەتبار دەستگیردەكرێن

چوار شەممە, 18 تەمموز 2018 12:13

 

هێزەكانی پۆلیسی نەهێشتنی تاوانی سلێمانی رایدەگەیەنێت دوو تۆمەتباریان دەستگیركردوە و سێ سكاڵاشیان لەسەر تۆماركراوە.


لە ڕاگەیەنراوێكدا كەوێنەیەكی دەست كوردیو كەوتوە پۆلیسی سلێمانی رایگەیاندوە"پاش كۆكردنەوەی زانیاری لەلایەن بەشی پۆلیسی نەهێشتنی تاوانی سلێمانی ،ئەمڕۆ 18ی 7 ی 2018 ، دوو تۆمەتبار لەكاتی ئەنجامدانی دزی دەستگیركران كە تا كاتی دەستگیركردنیان سێ‌ سكاڵای یاساییان لەدژ تۆماركراوە ."


پۆلیسی سلێمانی ئاماژەی بەوەشداوە"تۆمەتباران ( س، ح ) ی دانیشتوی گەڕەكی ڕۆژهەڵاتی شاری سلێمانی و (ع ، س ) دانیشتوی گەڕەكی كانی ئاسكان لەشاری سلێمانی ، لەگەڕەكی عەلوەكە لەشاری سلێمانی لەكاتی ئەنجمدانی تاوانی دزیدا دەستگیركران .


لەڕاگەیەنراوەكەدا ئەوش هاتووە"دەستگیركرنی تۆمەتباران لەلایەن بەشی پۆلیسی نەهێشتنی تاوانی سلێمانی بەهەماهەنگی و هاوكاری ئاسایشی ئابوری بووە ."


أ.س