بری سێ ملیۆن دینار به‌خانه‌نشینان ده‌درێت

پێنج شەممە, 19 تەمموز 2018 11:47

بانكی رەشیدی عێراقی ئاشكرای ده‌كات  له‌ماوه‌یه‌كی كورتدا  لەڕێگەی لقەكانییەوە لە بەغداو شاره‌كانی تری عێراق دەست دەكرێت  بە پێدانی پێشینەیەك واته‌ (سولفه‌) بە خانەنشینان بەبڕی (سێ)  ملیۆن دینار، به‌گوێره‌ی چه‌ند مه‌رج و رێكارێكی دیاریكراو .

بانكی (رەشید) له‌ راگه‌یاندراوێكدا ئه‌مرۆ پێنج شه‌مه‌ ئاشكرای كردوه‌  لەهەنگاوی یەكەمدا پێشینەیەك ( سولفه‌ )  بەبڕی سێ ملیۆن دینار بەو خانەنشینانە دەدەن كە موچە بەدەستی وەردەگرن ، دوای  ئەوەی گرێبەستیان لەگەڵ كۆمپانیایەكی دڵنیایی كرد، پێشینه‌كه‌ به‌گوێره‌ی چه‌ند مه‌رج و رێكارێكی دیاری كراو ده‌درێت به‌ خانه‌نشینانه‌كان .

له‌هه‌مان كاتدا ئه‌وه‌شی دووپات كردۆته‌وه‌  دواتر  پێشینە به‌و  خانەنشینانە دەدرێت كە موچەكانیان لەڕێگەی (كی كارد) ەوە وەردەگرن،  به‌ڵام ده‌بێت  كارتەكانیان  بۆ( ماستەر كارد) بگۆرن .

 ن.ش