سلێمانی...مەراسیمێك بۆساڵیادی تیرۆركردنی سۆرانی مامە حەمە بەڕێوە دەچێت

شەممە, 21 تەمموز 2018 13:54

بریارە ئەمرۆ شەممە لەهۆڵی مەموزین لە شاری سلێمانی بە ئامادەبوونی كەسوكار و بەرپرسان و رۆژنامەنووسان، یادی تیرۆركردنی یەكەم شەهیدی قەلەم سۆرانی مامەحمە بەرێوە بچێت.


لەئاگاداری نامەیەكدا كەوێنەیەكی دەست كوردیو كەوتوە هاتووە"رۆژی 2١ تەمموز مەراسیمی دەهەمین ساڵیادی تیرۆركردنی یەكەم شەهیدی قەڵەم سۆرانی مامە حەمە لە دەمژمێر ٥:٣٠ خولەكی ئێوارە لەهۆڵی مەموزین لە سەرچنار بەڕێوە دەچێت"


سۆران مامە حەمە لەدایكبووی ساڵی ١٩٨٧ ی شاری كەركووكە و رۆژنامەنووسی سەربەخۆی گۆڤاری لڤین بوو، لە رۆژی ٢١ی تەمووزی ٢٠٠٨ لەبەردەم ماڵەكەی خۆیدا لە شاری كەركووك لەلایەن چەند چەكدارێكەوە تیرۆر كرا.


سەرەڕای پێكهێنانی لیژنەی لێكۆڵینەوە لە دوای رووداوەكەوە بەڵام هەتا ئێستا دۆسیەی سۆرانی مامە حەمە بەكراوەیی ماوەتەوە و تاوانباران و هۆكاری كوشتنەكەشی روون نەبۆتەوە بەڵام هاوڕێ‌ و كەسوكارەكەی هۆكارەكەی بۆ نووسینەكانی دەگێڕنەوە كە تێیدا رەخنەی لە دەسەڵاتدارانی هەرێمی كوردستان و لایەنەكانی بەرپرسی كەركووك گرتووە.


أ.س