بەبۆنەی جەژنی قوربان، ئەنجوومەنی كاروباری بانگەوازی یەكگرتوو بروسكەیەكی پیرۆزبایی رادەگەیەنێت

دوو شەممە, 20 ئاب 2018 16:58

 

 

 

بسم الله الرحمن الرحیم
(ژَٰلِكَ ۆمَن یُعَڤِّمْ شَعَائِرَ اللَّهِ فَإِنَّهَا مِن تَقْۆی الْقُلُوبِ)
جه‌ماوه‌رێ كوردستانێ یێ خوشتڤی:ب هه‌لكه‌فتا هاتنا جه‌ژنا قوربانی یا پیروز ئەم ل ئەنجومەنێ کاروبارێن بانگەواز یا یەکگرتووی ئیسلامی كوردستان گه‌رمترین پیرۆزیاهیان ئاراسته‌ی موسلمانێن جیهانێ و هه‌رێما كوردستانێ ب تایبه‌ت مێڤانێن مالا خودێ دكه‌ین هەروەسان جەژنا ماموستایێن ئاینیی و کەس و کارێن شەهیدا و پێشمەرگەهێن قەهرەمان دکەین و ژ خودێ دخوازین بكه‌ته‌ جه‌ژنا خوشی و شادی و به‌خته‌وه‌ریێ، و ئێكرێزی و براینی و پێكڤه‌ژیانێ بكه‌ته‌ باهرا ملله‌تێ مه‌.
هەر ب ڤێ هه‌لكه‌فتا پیروز داخوازێ ژ خودایێ مه‌زن دكه‌ین كارێ چاك یێ هه‌می موسلمانان قه‌بیل بكه‌ت، ب تایبه‌تی حه‌جا حه‌جیان و وان ب سلامه‌تی ب زڤڕینیت ناڤ وه‌لاتی و كه‌س و كاران و ب دووباره‌ دیتنا وان شاد بكه‌ت، و به‌ره‌كه‌تێ بێخیته‌ كار و كریارێن مه.‌ و مه‌ هه‌ژی دلۆڤانی و لێبۆرینا خۆ ببینیت، و موسلمانان ب گشتی و ملله‌تێ مه‌ یێ موسلمان ب تایبه‌تی ژ ته‌نگاڤی و نه‌خوشیان ب پارێزیت، و ئێمناهی و ئه‌رزانی و ئێكگرتنێ بكه‌ته‌ خه‌لات بۆ مه‌ د ڤێ جه‌ژنێدا.
هه‌ر ب ڤێ هه‌لكه‌فتا پیروز داخواز ژ خه‌لكێ خو یێ خوشتڤی دكه‌ین كو جه‌ژنێ بكه‌نه‌ ویستگه‌هه‌ك بو موكومكرنا په‌یوه‌ندیێن كومه‌لایه‌تی و مروڤایه‌تیێ هه‌روه‌سان هاریكاریا هه‌ژار و ده‌ست كورتان بكه‌ن و ل هه‌ڤدوو ببورن ژبه‌ر كو ئه‌ڤ چه‌نده‌ سیمایێ جه‌ژنێ نه‌ دێ بیته‌ ئه‌گه‌ر كو كه‌یف و خوشی دناڤ كومه‌لگه‌هێ دا زێده‌بیت و شوینوارێن قه‌یرانان ل ناڤ دا كێم بن.
د جه‌ژنا قوربانی یا ئه‌ڤ ساله‌ دا ملەتێ مە یێ د قویناغه‌كا هه‌ستیار دا دبۆریت و به‌ره‌ف هه‌لبژارتنێن په‌رلەمانی ڤە دچیت،لەورا ڤێ هەلکەفتێ ب دەلیڤە دزانین داخوازێ ژ خه‌لكێ خۆ یێ خوشتڤی بکەین هه‌ست ب به‌رپرسیاریێ بكه‌ن و به‌شداریه‌كا كارا و ئه‌رێنی د ڤان هه‌لبژارتناندا بكه‌ن و کاندیدێن ژهەژی ولێهاتی ب ده‌نگێ خۆ ده‌ستنیشان بكه‌ن پێخه‌مه‌ت خزمه‌تكرنه‌كا باشتر و هه‌ژیتر بۆ گه‌ل و وه‌لاتی.
ل دوماهیێ ژی ئومێده‌وارین ب به‌ره‌كه‌تا ڤان رۆژان و ڤی وه‌رزێ پیرۆز ئه‌ڤ هه‌لبژارتنه‌ ببنه‌ خاله‌كا وه‌رچه‌رخان د كاروانێ پێشكه‌فتنا ملله‌تێ مه‌دا و به‌ره‌ف ئاقاره‌كێ پێشكه‌فتیتر و كه‌ناره‌كێ ئارامتر ڤه‌ ببه‌ت، و بشێین ئه‌زموونه‌كا زه‌نگین و زه‌لال و پاك و پاقژ پێشكێش بكه‌ین و باوه‌ریێ ب گوهۆڕینا ئاشتیانه‌ و رێز و بهایێ ده‌نگێ هاولاتیان بۆ ب زڤڕینین، و دەستهەلاتەکا نیشتیمانی وخزمه‌تكار بێتە‌ پێكئینان كو ده‌ربرینێ ژ هیڤی و ئومێد و ئارمانجێن ملله‌تی بكه‌ت و ببیته‌ جهێ باوه‌ریا وان.
ئه‌نجوومه‌نێ كاروبارێن بانگه‌واز
یه‌كگرتووی ئیسلامی كوردستان
9ژی الحجە 1439
20\8\2018