ئیسرائیل : ئێران لەكۆیە پەیامی بە سێ‌ وڵاتدا

دوو شەممە, 10 ئەیلول 2018 08:35

 

 

رۆژنامەیەكی ئیسرائیلی پێی وایە بۆردومانەكەی شاری كۆیە لەلایەن ئێران نامەیەكی روون بوو بۆ سێ‌ وڵات.

رۆژنامەی (جیرۆزالیم پۆست) ی ئیسرائیلی لەژمارەی ئەمڕۆیدا بڵاویكردۆتەوە، بۆردومانەكەی بارەگای حزبی دیموكرات لەلایەن ئێرانەوە پەیامێك بووە بۆ هەرسێ‌ وڵاتی ئەمریكاو سعودییەو ئیسرائیل.

رۆژنامەی ناوبراو دەڵێت، واشنتۆن فشار لەسەر ئێران دروست دەكات، بەڵام ئێران بەرەو رووی ئەمریكا هێزی خۆی تاقیكردەوە.

هاوكات باسیشی لەوەكردووە، كە بۆردومانەكە بە مووشەك كراوەتە سەر بارەگایەكی پارتێكی كوردی لەشاری كۆیە، ئەوەش هەمان ئەو هێرشانەیە كە حوسییەكانی یەمەن لەدژی سعودییە ئەنجامی دەدەن.

شەممەی رابردوو بەشێوەیەكی چڕ بارەگای حزبی دیموكرات لەشاری كۆیە بەچەندین مووشەك بۆردومان كراو لەئەنجامیشدا ژمارەیەك سەركردەی ئەو پارتە گیانیان لەدەستداو دەیان كەسیش برینداربوون.

 

 

 

ئـ . كـ