سەرۆكی لیستی بەرەو ئیصلاح لەدوای چوار ساڵ پەرلەمانتاری سامانەكەی ئاشكرا كرد

شەممە, 15 ئەیلول 2018 06:01

 

سەرۆكی لیستی بەرەو ئیصلاح لەدوای چوار ساڵ ئەندامێتی لە پەرلەمانی كوردستان سەروەت و سامانەكەی بۆ ڕایی گشتی ئاشكرا كرد.


د.شێركۆ جەودەت ئەندامی پەرلەمانی كوردستان و سەرۆكی لیستی بەرەو ئیصلاح سەروت و سامانەكەی خۆی لە دوای چوار ساڵ لە ئەندامێتی پەرلەمانی كوردستان بۆ ڕایی گشتی ئاشكرا كرد و ڕایگەیاند: دوای كۆتایهاتنی خولی چوارەمی پەرلەمانی كوردستان وەك پێشتر بەڵێنم دابوو لە سەرتادا كە سامانی خۆم رابگەیەنم، ئێستا سەروت و سامانەكەم بەم شێوەیەی خوارەوەیە:

 

1-پێش پەرلەمان قەرزار نەبووم بەڵام بە ھۆی ئەوەی نەمانھێشت پەرلەمان لە دارایی گشتی ئۆتۆمبیل بۆ پەرلەمانتار بكرێت ناچاربووم دوو دەفتەر دۆلار قەرزبكەم بۆ ئەوەی ئۆتومبیلێكی پێ بكڕم وكاری پەرلەمانی پێبكەم وتا ئێستانەمداوەتەوە .

2-یەك شوقەی200 دووسەدمەتریم ھەیە كە تائێستا نەمكردوە بە ناوی خۆمەوە چونكە چوارھەزار دۆلاری رەسمی تاپۆی
دەوێت.

3-یەك دەفتەر دۆلارم قەرز كردوە بۆ ئەوەی خەرجیەكانی كامپینی خۆم لەلیستی بەرەو ئیصلاح 119 ی پێ بكەم.

4-دوو حسابی بانكیم ھەیەبەھەردووكیان سەد دۆلاری تیایە.

5-ھیچ پارەوقەرزێكم لای كەس نیە.

6-زیاتر لە شەش جار ھەرەشەی كوشتنم لێكراوە بە ھۆی بەرەنگاربوونەوەی گەندەڵی.

7-دەمتوانی بە ئاسانی ببمە ملیۆنێر بەڵام گەندەڵ لە كەرتی نەوت وگازدا،بەڵام سوپاس بۆخواخۆمان پاراست بەڵكو ملیۆنان دۆلارمان گێرایەوە بۆ دارایی گشتی ودەیان بەرپرسی گەندەڵمان دا بە دادگا.

 

 

هەروەها ئاماژەی بەوەشكرد: ھەرچیم باسكرد فەزڵی خوای گەورەوپاشان بەرەكەتی كاروانی شكۆداری یەكگرتوە وھەتا ماوم قەرزاری رێكخستنە قەدرگرانەكانی یەكگرتوم كە متمانەیان پێمە وماندوونەناسانە قوربانی ئەدەن....پشت بە خواكۆڵنادەین بەرەو ئیصلاح 119.

 

 

 

 

 

س ب