هێزەكانی پۆلیس تۆمەتبارێك دەستگیر دەكەن

پێنج شەممە, 11 تشرینی یەکەم 2018 11:48

له‌ راگه‌یاندراوێكدا به‌شی راگه‌یاندن و په‌یوه‌ندیه‌كان له‌ به‌رێوبه‌رایه‌تی پۆلیسی سلێمانی ئاشكرای كردوه‌ هێزەكانی  بنكەی پۆلیسی سەرا ، تۆمەتبارێكیان دەستگیركرد كە لەڕێی تۆڕی كۆمەڵایەتی فەیسبووكەوە كڕین و فرۆشتنی بە چەكەوە كردووە.

له‌ راگه‌یاندراوه‌كه‌ ئه‌وه‌ش هاتووه‌، دوای  ئەوەی زانیاری كۆكرایەوە لەسەر تۆمەتبارێك كە لە ڕێگەی تۆڕی كۆمەڵایەتی فەیسبووكەوە كڕین و فرۆشتن بە چەكەوە دەكات ، ئەمڕۆ (11-10-2018)  هێزەكانی بنكەی پۆلیسی سەرای سەر بە بەشی پۆلیسی ناوشار ڕۆژهەڵات توانییان تۆمەتبار دەستگیربكەن و دەستیش بگیرێت بەسەر چەكێكی جۆری كڵاشینكۆفدا .

لە ئێستاشدا تۆمەتبار (پ ، ك ، ح ) لەدایكبوی 1993 ، دانیشتوی شاری سلێمانی ، بە فەرمانی بەڕێز دادوەر و بەپێی ماددەی 21 ی چەك ڕاگیراوە و لێكۆڵینەوەی ورد لە لایەن هێزەكانی پۆلیس دەستیپێكردووە.

جێی ئاماژەیە ڕۆژی 7-10-2018 ، هێزەكانی پۆلیسی پارێزگای سلێمانی چوار تۆمەتباریان دەستگیركرد كە لە ڕێی تۆڕی كۆمەڵایەتی فەیسبوكەوە كڕین و فرۆشتنیان بە چەكەوە كردبوو .
ن.ش