لەسەر فێڵێكی چەند بارە هۆشداری دەدرێتە هاوڵاتیانی هەرێم

پێنج شەممە, 18 تشرینی یەکەم 2018 08:25

 


سەرۆكایەتی شارەوانی چەمچەماڵ پەیامێكی ئاگاداركردنەوە ئاڕاستەی ھاوڵاتیان دەكات لەبارەی ئەوەی چەند كەسێك لەبەرامبەر مژدەی پێدانی زەوی داوای كارتی مۆبایل یان پارە دەكەن و داوا دەكات كەس نەكەوێتە داویانەوە.

 


سەرۆكایەتی شارەوانی چەمچەماڵ لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند:" چەند ڕۆژێكە چەند كەسێكی نەفس نزم و هەلپەرست بە سیمكارتی نەناسراو تەلەفون بۆ هاوڵاتیان دەكەن بەناوی شارەوانی و دەزگای شەهیدانەوە مژدەی پێدانی دابەشكردنی زەوی دەدەن بەو هاوڵاتیانەی كەفەرمانی زەویان هەیە و داوای كارتی موبایل یان پارەیان لێكەن".

 

هەروەها ئاماژەی بەوەشكرد:" ئێمە بەناوی شارەوانی چەمچەماڵەوە داواكەین هەر كەس لەڕێگەی تەلەفون یان هەر ڕێگایەكی تر داوای كارت یان پارەی كرد باوەڕی پێمەكەن و ئەو كەسانە هیچ پەیوەندیەكیان بەشارەوانیەوە نییە،هەر شتێكی ڕەسمیش هەبێ سەبارەت بەدابەشكردنی زەوی ئەوە ئێمە لەڕێی شارەوانیەوە هاوڵاتیان ئاگادار دەكەینەوە".

 

جێگای ئاماژەبۆكردنە پێشتر لەچەند شاروشارۆچكەیەكی هەرێمی كوردستان هەمان فێڵ لەهاوڵاتیان كراوەو بەڕێوبەرایەتی چاودێری گەپێدانی كۆمەڵایەتی سلێمانیش هۆشداری داوەتە هاوڵاتیان كە نەكەونە داوی ئەو فێلانەوە.

 

 

 

 

س ب