ئەنستتیۆی پەی:كۆمسیۆن چەندین هەڵەی كردوە رێخۆشكەر بوون بۆ ئەو ساختەكاریەی حزبە دەسەڵاتدارەكان

دوو شەممە, 22 تشرینی یەکەم 2018 12:58

 

سەرۆكی ئەنستتیۆی پەی رایدەگەیەنیت لەئەنجامی هەڵبژاردنی پەرلەمانی كوردستان و راگەیەاندنینی ئەنجامەكاندا كۆمسیۆنی باڵای سەربەخۆی هەڵبژاردن و راپرسی چەندین هەلەی كردوەلەوانەش كاندید هەبووە پێشتر كشاوەتەوە كەچی ناوی لەلیستی دەرچوەكاندا بووە.


د.سەروەر عبدولرەحمان سەرۆكی ئەنستتیۆی پەی لەنوسینیكدا لەپەیجی پەی بڵاویكردوەتەوە"دوێنێ شەو كۆمسیۆنی هەلبژاردن و راپرسی ئەنجامە بەراییەكانی راگەیاند، لێرەدا باسی ئەوە ناكەین كە بڕیار بوو لەماوەی (72) سەعاتدا رایبگەیەنێت كەچی دوای بیست رۆژ واتە (480) سەعات رایگەیاند، باسی ئەوەش ناكەین كە بۆچی لە سەعات (12) شەودا بلاویانكردەوە، باسی ئەوەش ناكەین كە لە (9) كۆمسیار (4)یان دژ بوون و ئیمزایان لەسەر ئەنجامەكان نەكرد، باسی دەنگۆی دەسكاری دەنگی كاندیدەكانیش ناكەین (هەروەك خۆیان باسی لێوەدەكەن و گوایە بەڵگەیان لایە)"


راشیگەیاندوە" ئەوەی جێگەی تێبینیە دوو هەڵەی زەق كراوە، لەوانە:
1- كاندید هەیە لە لیستەكەدا كشاوەتەوە كەچی ناوی خوێندرایەوە دەرچووە، لە لیستی گۆڕاندا ناوی (ئامینە محمد) راگەیەنرا كە ناوبراو هەر بەشداری هەڵبژاردنیشی نەكردووەو پێشتر كشاوەتەوە، كەچی كۆمسیۆن بەفەرمی ناوەكەی راگەیاند كە دەرچووەو گوایە (3،378) دەنگەی هێناوە. لەراستیدا ئەوە (ئامینە محمد) نیە بەلكو ئەوەی دەرچووە (د.شایان)ە كە بەو ریزبەندیە ئەو دەنگەی هێناوە.
2-لیست هەیە دەرنەچووە كەچی دەرچوێنراوە، بۆ نمونە كۆمسیۆن رایگەیاند كە (لیستی میللەت)ی توركمانی كاندیدێكی دەرچووە و لیستەكە (885) دەنگ و كاندیدەكەی بەناوی (ئازاد ئەكرەم) كە (346)دەنگی هێناوە، لەكاتێكدا رێژەی كورسی زۆر لەوە زیاترەو هەڵەیەكی گەورەیە و لەبەراوردی رێژەی دەنگی قەوارەكانی تردا گونجاو نیە، خۆ ئەگەر لەبەرچاوگرتنی پێكهاتەكانیش بێت لیست و كاندیدی تر هەیە دەنگی زیاتری هەیە و لەبەرچاو نەگیراوە.


ئەوەشی نوسیوە " تا ئێستا كۆمسیۆن هیچ رونكردنەوەو راستكردنەوەیەكی لە ماڵپەڕە فەرمیەكەی خۆیدا بلاو نەكردۆتەوە وئەمانە دڵۆپێكن لەو دەریا هەڵەو بێسەروبەریەی كۆمسیۆن كە لەئەنجامی سەرەرۆیی و گوێنەگرتنی هەندێك لەكۆمسیارەكان هاتۆتەكایەوە هەروەك كۆمەڵێك بڕیاری هەڵەو نایاساییان دەركرد و كۆمسیۆن و ئەنجامەكانیان بەم رۆژەگەیاند كە رێخۆشكەر بوون بۆ ئەو ساختەكاریە بەرچاوەی حزبە دەسەڵاتدارەكان كردیان."
أ.س