پله‌ی وه‌زیفی له‌م فه‌رمانبه‌رو مامۆستایانه‌ وه‌رده‌گیرێته‌وه‌

11/12/2018 - 15:19 بڵاوکراوەتەوە لە هەواڵ/كوردستانی
 
وەزارەتی پەروەردە هۆشداری توند دەداتە ئەو فەرمانبەرو مامۆستایانەی بە بڕوانامەی ساختەوە دامەزراون، بەڕێوەبەرێكی گشتی وەزارەتەكه‌ش ئاشكرای ده‌كات، هەر كەسێك بە بڕوانامەی ساختەوە دامەزرابێت، رێكاری یاسایی لەدژیان دەگیرێتەبەرو هەموو موچەو ئیمتیازاتەكانیشیان لێ وەردەگیرێتەوە.

(ئەحمەد گەل)  بەڕێوەبەری گشتیی فێركردنی ئامادەیی و پیشەییەكان لەوەزارەتی پەروەرده‌ ڕایگەیاند:  هەركاتێك دەركەوت فەرمانبەرێك یان مامۆستایەك بڕوانامەی ساختەیە، ئەگەر لەسەر بنەمای ئەو بڕوانامەیە دامەزراندنی بۆ كرابێت، دامەزراندنەكەی هەڵدەوەشێتەوە، یاخود ئەگەر بەڕەچاوكردنی بڕوانامەكەی، ناونیشانی گۆڕابێت و پلەی وەزیفی بەرزكرابێتەوە، هەڵدەوەشێتەوە، سەرجەم ئەو بڕە پارانەشی لێوەردەگیرێتەوە كە وەریگرتووە.

گه‌ل ئه‌وه‌شی ئاشكرا كردوه‌،جگە لەڕووە ئیدارییەكەی، لەڕووی یاساییەوە ئیجرائاتی لەگەڵ دەكرێت بەتۆمەتی ساختەكردنی بەڵگەنامەی یاسایی.

بەڕێوەبەرەكه‌ی وه‌زاره‌تی په‌روه‌رده‌ ئه‌وه‌شی بۆتۆری هه‌واڵی سلێمانی ئاشكرا كردوه‌، مامۆستای دواناوەندی هەبووە، كاتێك لێكۆڵینەوەی لەگەڵدا كراوە، دەركەوتووە بڕوانامەی پۆلی (12) ی ئامادەیی ساختە بووە، چوار ساڵی زانكۆی هەڵوەشاوەتەوەو سەرجەم ئەو پارانەشی لێوەرگیراوەتەوە، كە وەك موچەی مامۆستایەتی وەریگرتووە.
 ن.ش