ده‌رماڵه‌یه‌ك به‌سه‌ر توێژێك دابه‌شده‌كرێت

16/12/2018 - 16:21 بڵاوکراوەتەوە لە هەواڵ/كوردستانی

 دەرماڵەی خوێندنی ساڵی 2016- 2017 بۆ خوێندكارانی كەسوكاری سەربەرزی شەهیدان خەرج ده‌كرێت .

بەڕێوەبەرایەتی گشتی كاروباری شەهیدان و ئەنفالكراوانی سلێمانی لە ڕاگەیەنراوێكدا،  ئاماژەی بەوەكردووە، سبەی بەڕیوەبەرایەتی گشتیمان دەرماڵەی خوێندنی ساڵی 2016- 2017 بۆ خوێندكارانی كەسوكاری سەربەرزی شەهیدان خەرج دەكات.

بەڕێوەبەرایەتی گشتی كاروباری شەهیدان و ئەنفالكراوانی سلێمانی، داوا لە خوێندكارانی زانگۆ و پەیمانگاكانی كەسوكاری شەهیدان دەكات، بە مەبەستی وەرگرتنی خەرجی بۆ دەرماڵەی خوێندن لە ساڵی (2016- 2017) دەتوانن سبەی سەردانی بەشی پەروەردەی بەڕێوەبەرایەتی گشتیمان بكەن .

ئاشكراشی كردووە، سبەی دوو شەممە 17ی12ی 2018 بڕی 312 ملیۆن و 300 هەزار دینار وەك دەرماڵەی خوێندن بەسەر 694 خوێندكاری سەربەرزی شەهیداندا خەرج دەكات.

بەڕێوەبەرایەتی گشتی كاروباری شەهیدان و ئەنفالكراوانی سلێمانی ڕاشیگەیاندووە، لە ماوەی سێ ساڵی خوێندن، بۆ ساڵەكانی (2013 تا 2015) بڕی 7 ملیار و 284 ملیۆن و 431 هەزار و 355 دینار، بۆ كرێی خوێندن و دەرماڵەی خوێندكاران خەرج كراوە.

 

ر.ق