وێنه‌_ له‌ڕووداوێكی هاتوچۆدا كه‌سێك گیانی له‌ده‌ستدا

18/12/2018 - 17:52 بڵاوکراوەتەوە لە هەواڵ/كوردستانی

پێشنیوه‌ڕۆی ئه‌مڕۆ له‌سه‌ر ڕێگه‌ی سلێمانی – ڕاپه‌ڕین، له‌ئاكامی ڕووداوێكی هاتوچۆ ئافرتێك گیانی له‌ده‌ستدا.

بەپێی ڕاگەیەنراوێكی (ترافیك ئێف ئێم)ی هاتوچۆی سلێمانی، “پێشنیوەڕۆی ئەمڕۆ لەسەر ڕێگەی سلێمانی – ڕاپەڕین، ئۆتۆمبێلێك ئافرەتێكی كرد بەژێرەوە، دوای ڕووداوەكەش شۆفێرەكە، ئافرەتەكەی بۆ نەخۆشخانە گواستووەتەوە، مەخابەن بەهۆی سەختی برینەكانی لەنەخۆشخانە گیانی لەدەستداوە”.

ڕاشیگەیاندووە، شۆفێرەكە لەبنكەی پۆلیسی بەكرەجۆ دەستبەسەر كراوە‌ و پەڕاوی لێكۆڵینەوەش بۆ ڕووداوەكە كراوەتەوە.

بەپێی زانیارییەكان، ئەو خوێندكارە ناوی (ك. ت)یە و خوێندكاری كۆلێژی پەروەردەی بنەڕەتی زانكۆی سلێمانیە و خەڵكی دەربەندیخانە.

 

ر.ق