"وەزارەتی پەروەردە بە شەو بیر دەكاتەوە"

دوو شەممە, 07 کانونی دووەم 2019 10:02


مامۆستایەك ڕایدەگەیەنێت: ئەمشەوی ڕابردوو لە ڕێگەی پەروەردەكانەوە بەڕێوەبەری قوتابخانەكان ئاگادار كراونەتەوە كە قۆناغی یەكی سەرەتایی تا سێیەم تاقیكردنەوەی شەفەوی دەكرێت.

 


مامۆستا تارق نەسرەدین، لەلاپەڕەی خۆی لەتۆڕی كۆمەڵایەتی فەیسبوك لەژێر ناونیشانی "وەزارەتی پەروەردە بەشەو بیر دەكاتەوە"، نوسیویەتی:" ئەمڕۆ لەسەرتاسەری هەرێم یەك ملوێن و 100 هەزار قوتابی تاقیكردنەوەكان ئەنجام دەدەن لە قۆناغی چواری بنەڕەتی تا پۆلی دوازدەی ئامادەیی".

 


هەروەها ئاماژەی بەوەشكرد:" ئەوەی جێگەی سەرسوڕمانە ئەمشەوی ڕابردوو لە ڕێگەی پەروەردەكانەوە بەڕێوەبەری قوتابخانەكان ئاگادار كراونەتەوە كە قۆناغی یەكی سەرەتایی تا سێیەم تاقیكردنەوەی شەفەوی دەكرێت لەكاتێكدا لە ساڵانی ڕابردوو ئەم سێ قۆناغە تاقیكردنەوە نایگرێتەوە".

 


ئەوەشی خستەڕوو:" وڵاتێك پەروەردەكەی بەشەو بیربكاتەوە ئەبێت نەوەكانی داهاتووی چۆن بن !!!!".

 


ئاماژەی بەوەشكرد:" لە ڕاستیدا كاریگەری خۆیی هەیە لەسەر حاڵەتی دەرونی منداڵان و شپرزەیی دایكان و باوكان دواجار كاریگەری خراپ بەجێ دەهێڵێت لەسەر پرۆسەی پەروەردە و نەوەكانی داهاوومان".

 

 

س ب