چاودێرێكی سیاسی سەركردەیەكی كورد بە تاكە سەركردەی ژیرو ڕاستگۆ ناودەبات

سێ شەممە, 08 کانونی دووەم 2019 07:17

 

چاودێرێكی سیاسی ڕایدەگەیەنێت: لە باشووری كوردستان سەركردەی حەكیم و زاناو هیمن و خاكی و ڕاستگۆیی نەماوە و ڕۆژ لە دوایی ڕۆژیش دۆخەكە خراپتر دەبێت، تاكە سەركردەیەك زۆر ژیران و هێمنانەو ڕاستگۆیانە ڕەفتاری كردبێت ئەمینداری گشتی یەكگرتووە.

 

بەختیار سەعید، چاودێری سیاسی لە لاپەڕەی خۆی لەتۆڕی كۆمەڵایەتی فەیسبوك نوسیویەتی:" هەست دەكەم كورد لە باشووری كوردستان سەركردەی حەكیم و زاناو هێمن و خاكی و ڕاستگۆیی نەماوە و ڕۆژ لە دوایی ڕۆژیش دۆخەكە خراپتر دەبێت".


هەروەها ئاماژەی بەوەشكرد:" هەمیشە بەبەردەوامی ڕامگەیاندووە، كە تاكە سەركردەیەك زۆر ژیران و هێمنانەو ڕاستگۆیانە ڕەفتاری لەگەڵ حیزبەكەی خۆیی و كۆمەڵانی خەڵكی كوردستان كردبێت، جەنابی مامۆستا سەلاحەدین محەمەد بەهائەدینە، ئەو سەركردەیەیە گەر 23حوزەیرانی دوو ساڵ پیش ئێستادا، نەیهێشت خوین بڕژێت و بە كرداری دووئیدارەیی دروست ببێت".

 


ئەو چاودێری سیاسییە، ئەوەشی خستەڕوو:" هەرچەندە كەسانی نەزان و نەخوێندەوار هیچ لەبارە نەبوو هەوڵیان دا، ئەو شەڕە بكرێت ، بەڵام ئەو سەركردیە ئەو قوربانی یەی بە حیزبەكەی دا، تا مەرامی بۆگەنی تەسكی حیزبایەتی و ناحەزان نەیەتە دی".

 


بەختیار سەعید نوسیویەتی:" لە یادمە لەو ڕۆژەدا لە پۆستیكدا لە شەوی 18 لەسەر 19ی ئابی هەمان ساڵ، بریاریك درابوو كە ئەگەر كۆبوونەوەكە كراو دژی پارتی بوو، ئەوا خوێن ڕشتن و شەڕو دووئیدارەیی گەیشتببووە، مریشكە ڕەشە".

 


ئاماژەی بەوەشكرد:" ڕەسەنی ئەو سەركردەیە لەوەدابوو دەیزانی باجەكەی دەدەن بەڵام گرنگی دۆخەكەو باشووری كوردستانی زۆر بەلاوە گرنگتر بوو لە دەنگدەرو ئەندامانی حیزبەكەی".

 


لە كۆتای نوسینەكەیدا ئەوەشی خستەڕوو:" ئەوەتا پاش چەند ساڵ خەریك بوو لەسەر دوو كادیر حیزب كە لەلایەن دەزگا ئەمنیەكانی یەكیتی و پارتی یەوە ڕفێنرابوون، وەك تۆڵە و بە یەك چەقەنە بگەینە مریشكە ڕەشە، بە پێویستم زانی لەم هەل و مەرجەدا ئەو ڕاستییە بدركێنم و جاریكی تریش گەر كورد دوو سەركردەی وەك مامۆستا سەلاحی هەبووایە،ئێستا زۆر شت گۆرابوو".

 

 

داڕشتنەوە/  سەلام بێستانسووری