داعش كارگەیەكی بلۆكیان لەخانەقین سووتاند

11/01/2019 - 09:32 بڵاوکراوەتەوە لە هەواڵ/كوردستانی

 

 

گروپە چەكدارەكانی داعش كارگەیەكی بلۆكیان لە سنوری خانەقین سوتاند، ئەوەش بۆ جاری سێیەمە كارگەی بلۆك و چەو و لم دەسوتیندرێت لەلایەن ئەو گروپە چەكدارەوە.

شەوی ڕابردوو ژمارەیەك چەكداری داعش كارگەیەكی بلۆكیان سوتاند لە نزیك پردی حەلوان لە سنوری خانەقین، هەروەها دەستڕێژی گولەیان ئاڕاستەی خاڵێكی سەربازی كردووە.

سەرچاوەیەك لە فەوجی هەشتی پۆلیسی فریاكەوتنی دیالە لە خانەقین، بە ڕۆژنیوزی وتووە: شەوی ڕابردوو ژمارەیەك چەكداری داعش دەستڕێژی گولەیان ئاڕاستەی خاڵێكی سەربازی پۆلیسی فریاكەوتن كرد لە نزیك پردی حەلوان لە باكوری ڕۆژئاوای خانەقین، هاوكات ژمارەیەكی دیكە لە چەكدارەكانی داعش كارگەیەكی بلۆكیان سوتاندووە لە نزیك پردی حەلوان.

ئاماژەی بەوەشكردووە: پاش تەقەكردن لە خاڵە سەربازییەكە، هێزەكانیان بە هاوەن و چەكی مامناوەند شوێنی جموجۆڵی داعشیان كردۆتە ئامانج و پێدەچێت بریندارو كوژراویان هەبێت.

بەپێی زانیارییەكانی ڕۆژنیوز، چەكدارەكانی داعش داوای سەرانە لە خەڵك دەكەن لە گوندەكانی باكوری ڕۆژئاوای خانەقین، هەر كەسێك هاوكاری دارایی داعش نەكات ژیان و كەسابەتی دەكەوێتە مەترسییەوە.

 

 

 

ئـ . كـ