گەرمیان ...دوو تاوانبار بە حكومی هەتاهەتایی سزا دەدرێن

22/01/2019 - 14:33 بڵاوکراوەتەوە لە هەواڵ/كوردستانی

بەڕێوەبەرایەتی ئاسایشی گەرمیان ڕایدەگەیێنێت، سەرۆكایەتی دادگای تاوانەكانی كەركووك / گەرمیان دوو تاوانباری بە حوكمی هەتاهەتایی سزادەدات كە پێشتر دووهاولاتیان لێداوە و ئۆتۆمبێلەكانیان دزیون.


لەرونكردنەوەیەكدا كەئەمرۆ سێشەممە بڵاویكردوەتەوە بەڕێوەبەرایەتی ئاسایشی گەرمیان رایگەیاندوە"دوو تاوانبار رۆژی 21-1-2019 لە لایەن سەرۆكایەتیی دادگای تاوانەكانی كەركووك / گەرمیان بەپێی ماددەی (441) لە یاسای سزادانی عێراقی بە حوكمی هەتاهەتایی سزادران و بۆ بەرسەربردنی ماوەی سزاكەیان رەوانەی بەڕێوەبەرایەتی چاكسازی گەورانی سلێمانی كراون."


دەقی ڕوونكردنەوەكە:


پاش ئەوەی لە چەند مانگی رابردوو لەلایەن باندێكی نەناسراوەوە لە سنووری گەرمیان رێگری لە چەند هاووڵاتییەك كرا، پاش ئەشكەنجە و ئازاردان و بەستنەوەیان ئۆتۆمبیلەكەیان دزیبوون و پاشان ئۆتۆمبیلەكانیان بۆ سنووری رانیە و قەڵادزێ بردبوون بۆ ئەوەی بیانفرۆشن وپاش چەندین دانیشتنی دادگا و خستنەڕووی تەواوی بەڵگەكان و دانپێدانانی تاوانبارانی ناوبراو بە تاوانەكانیاندا. سەرەنجام رۆژی 21-1-2019 لە لایەن سەرۆكایەتیی دادگای تاوانەكانی كەركووك / گەرمیان بەپێی ماددەی (441) لە یاسای سزادانی عێراقی بە حوكمی هەتاهەتایی سزادران و ئەو ئۆتۆمبیلانەی دزرابوون رادەستی خاوەنەكانیان كرانەوە وهەردوو تاوانبارەكە بۆ بەرسەربردنی ماوەی سزاكەیان رەوانەی بەڕێوەبەرایەتی چاكسازی گەورانی سلێمانی كراون.


أ.س