خورماتو... داوا لە حەشدی شەعبی دەكرێت فڕۆكەخانەكە جێبهێڵن

22/01/2019 - 15:31 بڵاوکراوەتەوە لە هەواڵ/كوردستانی

 


بەگوێرەی هەواڵێكی دەنگی ئەمریكا، هێزەكانی حەشدی شەعبی لە فڕۆكەخانەی سدیق ئاگاداركراونەتەوە چۆڵی بكەن و لە ئێستاشدا بەهۆی تەواو بوونی ئەو وادەیەی بۆیان دانراوە، فڕۆكەی جەنگی بەسەر فڕۆكەخانەكەدا دەسوڕێتەوە.


شەلال عەبدول قایمقامی پێشوی قەزای خورماتو، بەدەنگی ئەمەریكای راگەیاندووە"بەپێی هەندێك زانیاری، هێزەكانی حەشدی شەعبی ئاگادار كرابوونەوە كە دەبووایە رۆژی 15 ی ئەم مانگە لە كاتژمێر 5 ی ئێوارە فرۆكەخانەی سدیق جێبهێڵن."

وتیشی "تائێستا فرۆكەخانەكە حەشدی شەعبی تێدایەدەنگۆی ئەوە هەیە فرۆكەكان ئەمەریكیبن و چاودێری سەربازگەی سدیق دەكەن."

عەلی حسێنی وتەبێژی هێزەكانی حەشدی شەعبی، بەدەنگی ئەمەریكای راگەیاند"ئەو فرۆكانەی بەسەر ئاسمانی خورماتودا دەسورێنەوە، نازانین فرۆكەی چی وڵاتێكن."