له‌ ساڵی 2019 عێراق و هه‌رێم هیچ فه‌رمانبه‌رێك دانامه‌زرێنن و گرێبه‌سته‌كانیش ده‌بن به‌هه‌میشه‌یی

24/01/2019 - 15:32 بڵاوکراوەتەوە لە هەواڵ/كوردستانی

شەوی رابردوو ئەنجومەنی نوێنەرانی عێراق لەسەر پرسی پەسەندكردنی بودجە كۆبوەوە و بەپێی زانیارییەكان زۆرینەی بڕگەكانی ئەو پڕۆژە یاسایە پەسەند كراون و ئەمساڵ لە بودجەدا باسی دامەزراندنی فەرمانبەران نەكراوە.

چەند ساڵێكە بەهۆی خراپی دۆخی ئابووری عێراق و هەرێمی كوردستان دامەزراندن زۆر بە كەمی هەبووە و ئەوەشی كە دانراوە زۆرینەیان بە گرێبەست كاریان كردووە، بەپێی زانیارییەكانیش ئەو گرێبەستانە دەبنە فەرمانبەری فەرمی.

بودجه‌ی ساڵی 2019 جیاواز له‌ ساڵانی پێشوو حكومه‌ت پابه‌ند ده‌كات به‌وه‌ی فه‌رمانبه‌رانی گرێبه‌ست دابمه‌زرێنی و هه‌ربۆیه‌ بەهۆی ئەوەی دامەزراندنی عێراق هەمووی گرێبەستی كۆنە، باسی دامەزراندنی فەرمانبەری نوێ نەكراوە لە بودجەدا، بۆیه‌ ئەو گرێبەستانە پێشتر پارەیان بۆ خەرج كراوە بۆ ئەمساڵ دەكرێنە فەرمانبەری فەرمی، ئەگەر هەرێمی كوردستانیش ئەو جۆرە گرێبەستانەی هەبێت دەتوانێت بیانكاتە فەرمانبەری فەرمی.

 

ر.ق