سلێمانی...داوای ئینتیمای سیاسی لە مامۆستایان دەكرێت

17/02/2019 - 14:49 بڵاوکراوەتەوە لە هەواڵ/كوردستانی


بەپێی زانیارەكانی كوردیو لەلایەن پەروەردەی ڕۆژهەڵاتەوە داوا لەبەرێوەبەرەكان كراوە كە ئینتیمای سیاسی مامۆستایانیان بۆرەوان بكەن و لەئەمرۆشەوە دەستكراوە بە ئامادەكاری بۆناونوسكردنی مامۆستایان.


یەكێك لەبەرێوەبەری قوتابخانەكان كەنەیویست ناوی خۆی ئاشكرا بكات بە كوردیوی راگەیاند" لەلایەن بەشی كارگیچری پەروەردەی رۆژهەلاتەوە پێمان ڕاگەیەنراوە كە ئینتیمای سیاسی مامۆستایانیان بۆ رەوانە بكەین"


بەپێی زانیارییەكانی كوردیوش لەئەمرۆوە ژمارەیەك لە مامۆستایان لەلایەن بەرێوەبەرەكانیانەوە بانگهێشتكراون و داوایان لێ كراوە كەئینتیمای سیاسی خۆیان بنوسن.


جێگەی ئاماژەیە ئەمە لەكاتیكدایە چەندین جار بەرپرسانی پەروەردە رایانگەیاندوە كە نابیت كاری حیزبایەتی لەناو ناوەندەكانی خوێندندا بكرێت بەلام تائێستاش یەكیتیو پارتی بەبەردەوامی ئەو كارە دەكەن و بەرێوەبەری قوتابخانەو خویندنگاكانیش زۆربەیان سەربەو دوو حیزبن.


أ.س