دابەشكردنی ئاوی پارێزگایەك ڕاگیرا

26/02/2019 - 10:55 بڵاوکراوەتەوە لە هەواڵ/كوردستانی

 

بەڕێوبەرایەتی ئاوی هەڵەبجە ڕایدەگەیەنێت: بەهۆی بوونی بڕێكی زۆر قوڕ و لیتە لە حەوزەكانی بەشی پڕۆژەی ئاوی هەڵەبجە دابەشكردنی ئاو بۆ ماوەیەك ڕادەگیرێت.


بەڕێوبەرایەتی ئاوی هەڵەبجە لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: بەهۆی بوونی بڕێكی زۆر قوڕولیتە لە حەوزەكانی بەشی پڕۆژەی ئاوی هەڵەبجە بۆ ماوەیەكی كاتی دابەشكردنی ئاو لە سنوری پارێزگاكە ڕادەگیرێت.


هەروەها ئاماژەی بەوەشكرد: ڕاگرتنی ناچاری پڕۆژەكەمان بەهۆی زۆری باران بارین و لافاو كە بەهۆیەوە ئاوەكە لێل بووە ئەمەش بۆتە هۆی كۆبونەوەی بڕێكی زۆر قور و لیتە لە حەوزەكانی P3)) ئێسا پێویستی بە پاكردنەوە و خاوێن كردنە وە هەیە لەو قوڕو لیتە كە تێیدایە.


لە ڕاگەیەندراوەكەدا ئەوەش هاتووە: ڕاگرتنی دابەشكردنی ئاو بۆ ماوەی دوو ڕۆژ كە دەكاتە بەرواری ٢٦- ٢٧ /٢ /٢٠١٩ بە ناچاری وەستانی پڕۆژەمان دەبێت تا بتوانین ئیش و كارەكانی پاكردنەوە و صیانەكارنمان بۆ بكرێت و لە دوای ئەو ماوەی دەست دەكەینەوە بەناردنی ئاو بۆ پاڕێزگای هەڵەبجە.

 

 

س ب