پاشه‌كه‌وتی مووچه‌ به‌رده‌وامه‌ و وه‌زاره‌تی داراییش رێكاری نوێ ده‌گرێته‌ به‌ر

26/02/2019 - 14:36 بڵاوکراوەتەوە لە هەواڵ/كوردستانی

پاشه‌كه‌وتی موچه‌ی فه‌رمانبه‌ران به‌رده‌وامه‌ و به‌پێی زانیاریه‌كان سه‌رباری گه‌رانه‌وه‌ی ئه‌و داهاته‌ی له‌ پاشه‌كوتی موچه‌ی فه‌رمانبه‌ران بۆ حكومه‌ت له‌ ئێستادا وه‌زراتی دارایی به‌پێی نوسراوێکی نوێی بڕیاریداوه‌ کە بۆ زیادکردنی داهات چەند ڕێکارێک بگرێتە بەر.

له‌بڕیارێکی نوێی وەزارەتی دارایی ئەوە خراوەتەڕوو کە وەزارەتی دارایی بڕیاریداوە کە پێداچوونەوە بۆ سەرجەم داهاتەکان بکات.

لە نوسراوەکەی وەزارەتی داراییدا هاتووە  "بڕیارمان دا بە پێداچوونەوە بە سەرجەم داهاتەکان لە گشت دامودەزگاکانی حکوومەت، لە هەر سێ پارێزگاکەی هەرێم، بە مەبەستی ڕێکخستن و زیادکردن وبەدواداچوونی داهاتەکان و کۆکردنەوەیان لە ڕووی چۆنایەتی و زانینی ئەوەی بە چ ئاسایەک وەردەیرێت.

وەزارەتی دارایی بڕیاریداوە کە پێویستە دامودەزگاکان خشتەی خەرجی داهاتی مانگانەیان بێ دواکەوتن بنێرن.