سروە عەبدول واحید: یەكێتی حیزبێكی گەندەڵە

10/03/2019 - 14:29 بڵاوکراوەتەوە لە هەواڵ/كوردستانی


پەرلەمانتارێكی پێشووی بزوتنەوەی گۆڕان كە ئێستا كادیری نەوەی نوێ یە، ڕەخنەی توند لە بەرهەم ساڵح دەگرێت لە ڕاگەیاندنی پرۆژەەیك بۆ دژایەتی گەندەڵی و ڕایگەیاند كە بەرهەم ساڵح دەبێت لە حیزبەكەی خۆیەوە دەستپێبكات كە پیشتر دانی پێداناوە یەكێتی حیزبێكی گەندەڵە.


سروە عەبدول واحید لە لاپەڕەی تایبەتی خۆی لە تۆڕی فەیس بوك نوسیویەتی"هاوڕای سەرۆك بەرهەمم لە بەگژداچوونەوەی گەندەڵی، بەڵام هیوادارم لە حزبەكەی خۆیەوە دەستپێبكات و یەكەمجار حوكمی بنەماڵە لە سلێمانی كۆتای پێبێنێت".

 

هەروەك نوسیویەتی "پێویستە ئەو كەسانەی خاوەنی كۆمپانیای حزبن و پاڵپشتی دارای یەكێتی دەكەن ئاشكرا بكات، هەروەكو چۆن لە ماوەی ڕابردوودا دانینا بەوەی یەكێتی حزبێكی گەندەڵە".

 

پەرلەمانتارەكەی پێشوی بزوتنەوەی گۆڕان نوسیویەتی " ئەوەی دژایەتی گەندەڵی دەكات پێویستە یەكەمجار ماڵی خۆی پاكبكاتەوە".