وادەی دابەشکردنی مووچەی مانگی یەک ڕاگەیەندرا

19/03/2019 - 09:02 بڵاوکراوەتەوە لە هەواڵ/كوردستانی

وەزارەتی دارایی و ئابوری حكومەتی هەرێم، ئامادەكاری بۆ دابەشكردنی موچەی مانگی (1)ی ئەمساڵی موچەخۆران دەكات و لە سەرەتای مانگی داهاتوودا و لە ڕۆژانی 3 و 4 دەست بە دابەشکردنی مووچە دەکرێت.

ماڵپەڕی سلێمانی بڵاویکردووەتەوە وەزارەتی دارایی و ئابوری، هەفتەی داهاتوو ڕێنمایی تایبەت بەدابەشكردنی موچەی مانگی (1)ی ئەمساڵ، ئاراستەی گەنجینەكان دەكات، بۆئەوەی لیستی موچەی بێ پاشەكەوتی لەسەر ئامادەبكرێت و بەهەمانشێوەی ئامادەكردنی لیستی مانگی (12)ی 2018 گرفت دروست نەبێت و بەرچاوڕوونیش بدرێت بە بەڕێوەبەری ژمێریاریی فەرمانگەكە.

ڕوونیشیکردوەتەوە وەزارەتی دارایی لەدوای جەژنی نەورۆزەوە، ئامادەكاری بۆ دابەشكردنی موچە دەستپێدەكاتەوە، بۆئەوەی لەرۆژانی (3 و 4)ی سەرەتای مانگی داهاتوو دەست بەدابەشكردنی موچە بكرێت، بەراورد بەم مانگەش پێشبخرێت، بەجۆرێك نەكەوێتە دوای (10)ی مانگەوە.

هەروەها ماڵپەڕی باسیش ڕوونیکردوەتەوە کە ئەم مانگە مووچە زووتر لە وادەی خۆی دابەش دەکرێت.