مانگی چوار، موچەی مانگی یەك دابەش دەكرێت

19/03/2019 - 09:15 بڵاوکراوەتەوە لە هەواڵ/كوردستانی

 

میدیای یەكێتی نیشتیمانی كوردستان ڕایدەگەیەنێت، وەزارەتی دارایی بڕیاریداوە لە سەرەتای مانگی چوار ئەمساڵ موچەی مانگی یەك دابەش بكات و بەشێوەی مانگی 12 بێ پاشەكەوت دەبێت


ئەو سەرچاوەیە ئاشكرای كردووە گوایا " وەزارەتی دارایی و ئابوری، هەفتەی داهاتوو ڕێنمایی تایبەت بەدابەشكردنی موچەی مانگی (1)ی ئەمساڵ، ئاراستەی گەنجینەكان دەكات، بۆئەوەی لیستی موچەی بێ پاشەكەوتی لەسەر ئامادەبكرێت و بەهەمانشێوەی ئامادەكردنی لیستی مانگی (12)ی 2018 گرفت دروست نەبێت و بەرچاوڕوونیش بدرێت بە بەڕێوەبەری ژمێریاریی فەرمانگەكەكان".


هەروەك ئاماژە بەوەكراوە كە وەزارەتی دارایی لەرۆژانی (3 و 4)ی سەرەتای مانگی داهاتوو دەست بەدابەشكردنی موچە دەكات.


دابەش كردنی موچەی مانگی یەك لە كاتێكدایە، چوار مانگی بەسەردا تێپەڕ بووە و حكومەت سەرەڕای فرۆشتنی نەوتی بێ ئەندازە و نادیار، لە بەغداشەوە 521 ملیار دیناری بۆ ڕەوانە دەكرێت بەڵام تاوەكو ئێستا فەرمانبەران نازانن پیچچەوانەی بەڵێنی ئەمساڵی سەرۆك و جێگرەكەی، چارەنوسی سێ موچەی ئەمساڵیان وەك موچە پاشەكەوتكراوەكانی تری لێ دێت.