سلێمانی... لەلایەن هێزەئەمنیەكانەوە ڕێگری لە ڕوماڵی ڕاگەیاندنەكان دەكرێت

01/04/2019 - 11:21 بڵاوکراوەتەوە لە هەواڵ/كوردستانی


كوردیو – سلێمانی


لەگەڵ ئەوەی ئەمڕۆ لەهەولێر و سلێمانی خۆپیشاندانی قوتابیانی زانكۆو پەیمانگاكان دەستی پێكرد، بەڵام لەلایەن هێزەئەمنیەكانەوە ڕێگری لە خۆپیشاندانەكانی سلێمانی كراو ڕێگری لە ڕوماڵی ڕاگەیاندنەكانیش دەكرێت.


پەیامنێرمان بێستون محمد لەشاری سلێمانیەوە پێی ڕاگەیاندین: ئەمڕۆ دووشەممە خۆپیشاندانی بەشێك لە قوتابیانی زانكۆ و پەیمانگاكان لەبەردەم بینای زانكۆی سلێمانی دەستی پێكرد، بەڵام لەلایەن هێزە ئەمنیەكانەوە ڕێگری لە گردبونەوەكەیان كراو بڵاوە بە خۆپیشاندەران كرا.


هەروەها ووتیشی: لەگەڵ ڕێگریكردن لە خۆپیشاندانی قوتابیان، لەلایەن هێزەئەمنیەكانەوە ڕێگری لە ڕوماڵی دەزگاكانی ڕاگەیاندنكرا و ڕێگە نەدرا ڕوماڵ خۆپیشاندانەكە بكرێت.


جێگەی ئاماژەبۆكردنە لەماوەی چەند ڕۆژی ڕابردوودا فراكسیۆنی یەكگرتووی ئیسلامی كوردستان و ڕێكخراوی گەشەپێدانی قوتابیانی كوردستان بە هەماهەنگی گەورەترین هەڵمەتیان لەژێرناونیشانی "دەرماڵەی قوتابیان بگەڕیننەوە" ڕاگەیاندو هەوڵەكانیان خستۆتەگەڕ بۆ گەڕانەوەی دەرماڵەی قوتابیان.

 

 

س ب