ڕێنمایەكانی حەجی ئەمساڵ ڕاگەیەندرا

01/04/2019 - 13:07 بڵاوکراوەتەوە لە هەواڵ/كوردستانی

 

بەڕێوەبەری گشتی حەج و عەمرەی هەرێمی كوردستان ڕایدەگەیەنێت: ئەمساڵ زیاتر لە چوار هەزار هاڵاتی سەفەری حەج دەكەن و دەبێت لە ماوەی 10 ڕۆژدا مامەڵە ئەنجام بدەن.


قاسم نەقشبەندی بەڕێوەبەری گشتی حەج و عەمرەی هەرێمی كوردستان لە كۆنفرانسێكی ڕۆژنامەوانیدا ڕایگەیاند: بۆ ئەمساڵی 2019 چوار هەزار و 880 هاوڵاتی هەرێمی كوردستان بەمەبەستی بەجێگەیاندنی فەریزەی حەج سەردانی وڵاتی سعودیە دەكەن.


هەروەها ووتیشی: هەر هاوڵاتیەك سەفەری حەج بكات بڕی چوارهەزار و 200 دۆلاری لێوەردەگیرێت ئەمەش بەهۆی ئەوەی خەرجیمان زیاتر بوە و شوێنی حەوانەوەی نزیكتر و خزمەتگوزاری باشترمان بۆ دابینكردون.


ئەوەشی خستەڕوو: لەسەر پشكی شەهیدانیش 100 كەسوكاری شەهید سەفەری حەج دەكەن و ئەوانەش كە ناویان دەرچوە نەخۆشن یان كۆچی دواییانكردوە كەسێكی كەسێكی نزیكیان كە خێزانەكەیان دەتوانێت لەجیاتی ئەو ناوی بنوسرێت و سەفەر بكات.


قاسم نەقشبەندی ووتیشی: ئەو ئافرەتانەی تەمەنیشیان لە 45 ساڵ كەمترە ناتوانن بەبێ مەحرەم سەفەر بكەن و ئەو كەسانەی جاری پێشوتر سەفەریان كردوە دەبێت 560 دۆلار وەك رسومات بدات.

 

 

 

س ب