به‌ر له‌وه‌رگرتنی موچه‌ی مانگی شوبات ، ئه‌م بره‌ پاره‌ بۆموچه‌ خۆران ده‌گرێندرێته‌وه‌

11/04/2019 - 15:09 بڵاوکراوەتەوە لە هەواڵ/كوردستانی
دوای ئه‌وه‌ی وه‌زیری دارایی حكومه‌تی هه‌رێم ئاشكرای كرد تا ئێستا هیچ بریارێك نیه‌ بۆوه‌رگرتنه‌وه‌ی پێشنه‌كان له‌ موچه‌ خۆران ، لەسەر لێبڕینی پێشینەكان لەهێزەكانی پێشمەرگەو بەشێك لەهێزە ئەمنیەكان ڕونكردنەوە دەدرێت ، هەر موچەخۆرێك پێشینەكەی لێبڕدراوە بەر لەموچەی مانگی دوو بڕی بۆ دەگەڕێندرێتەوە.
ماڵپه‌رێكی نزیك له‌ یه‌كێتی ئاشكرای كردوه‌، لێبڕینی پێشینەی هاوسەرگیری لەموچەی مانگی یەك، هۆكارەكەی بۆ ئەوەبوە كە لەبەشێكی زۆری دامەرزراوە حكومیەكاندا لیستی موچە بەلێبڕینەوە ئامادەكراوەو نەتوانراوە گۆڕانكاری تێدابكرێت، بۆیە بەلێبڕینی ئەو پێشینەیەوە موچە بەبەشێكی زۆری هێزەكانی پێشمەرگەو هێزە ئەمنیەكان دراوە.
ئه‌وه‌شی ئاشكرا كردوه‌، پێشتر گەنجینەكانی سلێمانی ئاگاداری تەواوی بەڕێوەبەرایەتیەكانی كردۆتەوە بەبێ لێبڕینی پێشینە لیستەكان ئامادەبكەن، بەڵام نەتوانراوە گۆڕانكاری لەلیستەكاندا بكرێت، وه‌ بەڕێوەبەرایەتی گەنجینەكان سەرجەم ئەو فەرمانگەو دامەرزاوانەی كە بۆ موچەی مانگی یەك لێبڕینی پێشینەی هاوسەرگیریان بەسەردا جێبەجێكراوە ، نوسراو بكەن بۆئەوەی ئەو لێبڕینەیان بۆ بگەڕێندرێتەوه‌ بەر لەموچەی مانگی شوباتی ئەمساڵ، هەر دامەزراوەو فەرمانگەیەك نوسراوی بۆ بەڕێوەبەرایەتی گەنجینە  بكات، لێبڕینەكەی بۆ دەگەرێندڕێتەوە.