سەنتەرێكی نێودەوڵەتی یەکەم رۆژی مانگی رەمەزانی دیاریکرد

29/04/2019 - 12:16 بڵاوکراوەتەوە لە هەواڵ/كوردستانی

 

سەنتەری نێودەوڵەتیی فەلەکناسی دەڵێت، رۆژی دووشەممە 6ـی ئایاری داهاتوو، یەکەم رۆژی مانگی رەمەزانە، وەزارەتی ئەوقافی هەرێمی کوردستانیش رایدەگەیەنێت: لیژنەی بینینی مانگ لەبارەی رەمەزانەوە بڕیاردەدات.

نەبەز ئیسماعیل، وتەبێژی وەزارەتی ئەوقاف و کاروباری ئاینیی حکومەتی هەرێمی کوردستان رايگەیاندوە "ئێوارەی رۆژی 4-5-2019، لیژنەی بینینی مانگ لەبارەی رەمەزانەوە بڕیاری کۆتایی دەدات کە ئایا 5ـی ئایار یان 6ـی ئایار یەکەم رۆژی مانگی رەمەزانە".

ئەوەش لە کاتێکدایە محەممەد عۆدە، سەرۆکی سەنتەری نێودەوڵەتیی فەلەکناسی کە بارەگاکەی لە ئیماراتە رایگەیاندووە، لە زۆربەی وڵاتانی ئیسلامیدا، سەرەتای مانگی شەعبان رۆژی یەکشەممە 7-4-2019 بوو. رۆژی یەکشەممەی داهاتووش کە 5ـی ئایارە مانگی شەعبان کۆتاییدێت و ئەو رۆژە لە کاتی رۆژئاوابوون دەتواندرێت مانگ بە چاو یان بە تێلیسکۆپ ببیندرێت.

ئەو سەنتەرە وتوشیەتی، "چاوەڕواندەکرێت رۆژی دووشەممە، 6ـی مانگی ئایار یەکەم رۆژی مانگی رەمەزان بێت.