جارێكی تر موچه‌ی پێشمه‌رگه‌ دابه‌ش نه‌كرا و هه‌ردوو وه‌زارتی دارایی و پێشمه‌رگه‌ یه‌كتر تۆمه‌تبار ده‌كه‌ن

06/05/2019 - 13:55 بڵاوکراوەتەوە لە هەواڵ/كوردستانی

ئه‌گه‌رچی وا بریار بوو دوێنێ یه‌ك شه‌مه‌ موچه‌ی مانگی دووی وه‌زاره‌تی پێشمه‌رگه‌ دابه‌ش بكرێت ، به‌ڵام بۆ ئه‌مرۆ دوا خراو ، هه‌ردوو وەزارەتی دارایی و پێشمەرگە یەکتر بە هۆکاری دابەشنەکردنی موچە لە کاتی خۆیدا تۆمەتبار دەکەن.

ماڵپه‌ری  ئێن ئاڕ تی ئاشكرای كردوه‌ ، وەزارەتەکانی دارایی و پێشمەرگە یەکتر تۆمەتباردەکەن بەوەی کە هۆکاربوون بۆ دواکەوتنى دابەشکردنی موچە، وەزارەتی دارایی دەڵێت، وەزارەتی پێشمەرگە لە کاتی خۆیدا لیستى ئامادەکراوی موچەى ڕادەستى دەزگاکانیان نەکردووە و ئەوانیش دارایی بە کەمتەرخەم دەزانن.

ئێن ئارتی ئه‌وه‌شی ئاشكرا كردوه‌، بڕیاربوو دوێنی دابەشکردنی موچەى مانگی دوو دەستپێکات و یەکەم وەزارەتیش پێشمەرگە بێت و دواتر دابەشنەکرا و خرایە ئەمڕۆ دوو شەممە، ئەمڕۆش دووبارە موچەکە دابەشنەکراوە و نازاندرێت بە دڵنیایی کەی دابەشدەکرێت.