سلێمانی ... تۆمەتبارێك دەستگیردەكرێت 12 فەرمانی گرتنی هەبوە

22/05/2019 - 14:18 بڵاوکراوەتەوە لە هەواڵ/كوردستانی


پۆلیسی سلێمانی ڕایدەگەیەنێت، هێزەكانیان تۆمەتبارێكیان دەستگیركردووە كە دوانزە فەرمانی گرتنی هەبووە و لەچەند بنكەیەكی پۆلیس داواكراوە .

بەڕێوەبەرایەتی پۆلیسی سلێمانی لەڕاگەیەندراوێكدا كەوێنەیەكی دەست كوردیو كەوتوە رایگەیاندوە "هێزەكانی بنكەی پۆلیسی سەرا لێكۆڵینەوەكانیان لەسەر تۆمەتبارێكی هەڵاتوو دەستپێكردوو دوای كۆكردنەوەی زانیاری ورد توانرا ئەمڕۆ تۆمەتبار دەستگیربكرێت كە چەندین فەرمانی گرتنی هەبووە بەپێی ماددەكانی 452 ، 453 ، 456 لەیاسای سزادانی عیراقی".

پۆلیسی سلێمانی ئاماژەی بەوەشداوە" تۆمەتبارەكە شەش فەرمانی گرتنی هەبووە لە شاری هەولێر و قەزای شەقڵاوە و پێنج فەرمانی گرتنی هەبووە لە چەند بنكەیەك لەشاری سلێمانی و هەروەها یەك فەرمانی گرتنی هەبووە لە قەزای كۆیە .

راشیگەیاندوە "تۆمەتبار ( أ ، ن ، ف ) كە لەئێستادا بەفەرمانی بەڕێز دادوەر ڕاگیراوە هەستاوە بە فێڵكرد لە هاوڵاتیان و بەفێڵ پارەی لە ژمارەیەك هاوڵاتی سەندووە و هەڵاتووە و لەئێستادا تۆمەتباری ناوبراو بەفەرمانی بەڕێز دادوەر ڕاگیراوە ".

هاوكات، پۆلیسی سلێمانی داوا لە هاوڵاتیان دەكات هەركەسێك سكاڵای هەیە لە سەر تۆمەتبار دەتوانێت سكاڵاكەی لەنزیكترین بنكە لە شوێنی نیشتەجێبونیەوە تۆمار بكات.
أ.س