هاتوچۆی هەرێم سەبارەت بە ئۆتۆمبێلی تاكسی بریارێك دەردەكات

22/05/2019 - 14:26 بڵاوکراوەتەوە لە هەواڵ/كوردستانی


بەڕێوەبەرایەتی گشتی هاتوچۆی هەرێم بڕیارێكی نوێی دەركرد سەبارەت بە گۆڕینی ئۆتۆمبێلی تەكسی بۆ تایبەت و بە پێی بڕیارەكەش، ئەو تەكسیانەی كە لەمەودوا ئارەزووی كاری تەكسیان نییە دەتوانن تابلۆكانیان بكەن بە تایبەت و لە سەرجەم رسوماتەكانی تۆماركردن و ژینگەو رێگاوبان دەبەخشرێن.

بەڕێوەبەرایەتی گشتی هاتوچۆی هەرێم لە نووسراوێكدابەژمارە 4454 بەرواری 23نیسانی 2019ی لەسەرە و وینەیەكی دەست كوردیو كەوتوە رایگەیاندوە" سەبارەت بەو تەكسیانەی لەمەودوا ئارەزووی كاری تەكسیان نییە لەمەو دوا دەتوانن تابلۆكانیان بكەن بە تایبەت و لە سەرجەم رسوماتی تۆماركردن و ژینگەو رێگاوبان ببەخشرێن."

لەنوسراوەكەدا ئەوەش هاتووە" لەكاتی گۆڕینی ئۆتۆمبێلی تاكسی بۆ تایبەت پێویست بە گومرگ ناكات لەبەر ئەوەی ئەو ئۆتۆمبێلانە پێشتر تۆمار كراون تەنها لە كاتێكدا ئەگەر ئۆتۆمبێلەكە كێشەی لەژمارەی لاشەی یان پلێتەی كابینەیی هەبوو ئەوا رەوانەی گومرگ ئەكرێت."

ڕوونیشیكردووەتەوە، سەبارەت بە رسوماتی تابلۆ تەنها رسوماتی چاپی تابلۆكەی لێوەردەگرێت كە بڕەكەی 50 هەزار دینار و خاوەنی ئۆتۆمبێلەكانیش ئازادن بەڕەنگ كردنی هەموو ئۆتۆمبێلەكەی بۆ ڕەنگێكی تر یان ئەتوانێت تەنها سەقفی ئۆتۆمبێلەكەی رەنگ بكات بە ڕەنگێكی تر."
أ.س