ژنێك بە فیشەك كوژرا

06/06/2019 - 19:03 بڵاوکراوەتەوە لە هەواڵ/كوردستانی

 

 

لە سنوری شارۆچكەی چەمچەماڵی سەر بە پارێزگای سلێمانی، ژنێك بە فیشەك كۆتایی بەژیانی خۆی هێنا.

لە شارۆچكەی چەمچەماڵ، لە سنوری بنكەی پۆلیسی شۆڕش، ژنێك بەناوی (ل.ف.ع)، لەدایك بووی ساڵی (1997) كە خاوەنی دوو منداڵە، خۆی كوشتوەو كەسوكارەكەشی سكاڵایان تۆمار نەكردووە.

بەپێی ئەو زانیارییانەی، (هێمن عەلی) بەڕێوەبەری بنكەی چەمچەماڵی بەرەنگاربوونەوەی توندوتیژی دژ بە ژنان بەڕۆژ نیوزی راگەیاندووە، ژنەكە دانیشتووی شاری سلێمانیەو بەسەردان گەڕاوەتەوە ماڵی باوكی و لەماڵی باوكی بە فیشەك كۆتایی بە ژیانی خۆیهێناوە.

بەپێی زانیارییەكانی بنكەی چەمچەماڵی بەرەنگاربوونەوەی توندوتیژی دژ بە ژنان، كەسوكار‌ی ژنەكە وتوویانە كچەكەیان نەخۆشی دەروونی هەبووە، بۆیە سكاڵایان لەسەر كەس تۆمار نەكردووە.