میدیای عێراقی: ئاڵا تاڵەبانی دوای هەڵاتنی پێڵاوەەكانی دەستی بەسەر گیراوە

دوو شەممە, 02 ئایار 2016 07:39

 

چالاكوانە عێراقیەكان و خۆپیشاندەرانی ناوچەی سەوز ڕایدەگەیەنن، ئاڵا تاڵەبانی سەرۆكی فراكسیۆنی یەكێتی لە ئەنجومەنی نوێنەران، ئێستا پێلاوەكانی دەستی بەسەردا گیراوە و وەك هێمایەك بۆ سەركەوتن سەیری دەكەن، پێچەوانەی بانگەشەی سەركەوتن لەلایەن ئەو پەرلەمانتارەوە.

دوای دەست بەسەراگرتنی باڵەخانەی ئەنجومەنی نوێنەران لە لایەن لایەنگرانی ڕەوتی سەدری، ژمارەیەك پەرلەمانتاری كورد لە ناو بینای ئەنجومەن گیران خوارد و هێرشیش كرایە سەر جێگری دووەمی سەرۆكی پەرلەمان.

ئاڵا تاڵەبانی سەرۆكی فراكسیۆنی یەكێتی یەكێك بووە لە پەرلەمانتارە گیرخواردوەكان و دوای ماوەیەكی زۆر خۆپیشاندەران ڕێگەیان داوە بە هەڵاتنی.
چالاكوانە عێراقیەكان ڕەخنە دەگرن لە ئاڵا تاڵەبانی كە بانگەشەی سەركەوتن دەكات.