یەكێتیی ئەوروپا هۆشداری توند دەداتە فەیسبووك و تویتەر و گوگڵ

شەممە, 18 ئازار 2017 08:12

 

كۆمسیۆنی یەكێتیی ئەوروپا ڕایدەگەیەنێت: داوامان لەكۆمپانیاكانی فەیسبووك و تویتەر و گۆگڵ كردووە ڕێگری لەساختەكاری و فڕوفێڵ بگرن.

 

كۆمسیۆنی یەكێتیی ئەوروپا لەبەیاننامەیەكدا رایگەیاند: زانیاریمان بەدەست گەیشتووە لەتۆڕە كۆمەڵایەتییەكان و ماڵپەڕەكانی تۆڕی ئینتەرنێتدا فڕۆفێڵ و ساختەكاریی زۆر دەكرێت و گرێبەستی ساختە ئەنجام دەدرێت و بەشێك لە ئەپڵیكەیشنانەكان داوای پارە دەكەن بۆ تۆماركردنی بێ بەرامبەر و ئابوونەی ساختە ئەنجامدەدەن و بەرهەمی ساختە و كۆپی دەفرۆشن لە تۆڕی ئینتەرنێتەوە، ئەو كۆمپانیایانە ئەو جۆرە مامەڵەیان قبوڵكردووە.

 


هەروەها ئەوەش خراوەتەڕوو: داوامان لە كۆمپانیاكانی فەیسبووك و تویتەر و گوگڵ كردووە بۆ رێگری لە ساختەكاری و فڕوفێڵ، بەپێی یاساكان هەڵسوكەوت بكەن.

 

 

س ب