بەشێوەیەكی نوێ‌ LG ركابەری SAMSUNG دەكات

یەک شەممە, 03 ئەیلول 2017 05:19

 

كۆمپانیای (LG) ی كۆریای باشوور مۆبایلێكی نوێ‌ و تازەی دەركردووە بەناوی (F 30) ی و نیازی وایە لەو ڕێگەیەوە ركابەری گاڵاكسی (NOTE 8) بكات، كە بەم دواییە بەرهەمهێندراوە.

ئەو بەرهەمەی كۆمپانیای (LG) نوێترین مۆبایلی كۆمپانیاكەیەو تا ڕادەیەكی زۆر هاوشێوەی مۆبایلی گاڵاكسی (NOTE 8) ی سامسۆنگە، مۆبایلەكەی (LG) ی قەبارەی شاشەكەی (6) ئینجە، بەمەش دەتوانێت بەكاربەرانی رازی بكات كە مۆبایلەكەی قەبارەی شاشەكەی یەكانگیرە لەگەڵ خواستی بەكاربەران، هاوكات مۆبایلەكە دەبڵ كامێرایەو لە پشتەوە بە ڕوونی (16) مێگاپێكسڵ هەیە، ئەمە سەرەڕای دانانی پەنجە مۆر كە دەنگ و ڕوخساریش دەناسێتەوە.

مۆبایلی (F 30) كۆمپانیای (LG) ی دژە ئاو و تەپوتۆزەو بە سیستەمی ئەندرۆید كار دەكات، ئەمەش وایكردووە كە پسپۆڕانی بواری تەكنەلۆژیا بڵێن (LG) ی بەم مۆبایلە لاسایی كۆمپانیای سامسۆنگی كردۆتەوەو دەیەوێت ركابەری گاڵاكسی (NOTE 8) بكات كە هەفتەی ڕابردوو كۆمپانیاكە بەرهەمهێنانی ڕاگەیاند.

جێگەی باسكردنە تاكو ئێستا كۆمپانیای سامسۆنگ بە ڕێژەی (%22.3) بازاڕەكانی جیهانی داگیركردووە، ئەمە لە كاتێكدایە (LG) ی تەنها (%3.7) ی بازاڕی جیهانی داگیركردووە.

 

 

ئـ . كـ