لەبارەی Iphone X ئەمانە بزانە

شەممە, 18 تشرینی دووەم 2017 06:03

 

 

 

كۆمپانیای ئەپڵ بەردەوام لە هەوڵدایە كە گۆڕانكاری و نوێكاری لە مۆبایلەكانیدا بكات، بۆ نەوەی نوێی مۆبایلەكەشی كە (ئایفۆن X) ە, ئەپڵ كۆمەڵێك تایبەتمەندی زیاد كردووە كە لە نەوەكانی پێشوویدا نەبووە، تایبەتمەندیەكانیش بریتین لەمانەی خوارەوە:

1. دیزاینێكی نایاب بۆ یەكەم جار:
مۆبایلی ئایفۆن X جیاواز لە نەوەكانی پێشخۆی دیزاینێكی نایابی هەیە, بە شێوەیەك بەشی پێشەوەی هەمووی شاشەیەو هیچ چوارچێوەیەكی تێدا نیە.

2. دەبڵ پاتری:
مۆبایلی ئایفۆن X خاوەنی دەبڵ پاتریە، ئەمەش لە مێژووی مۆبایلەكانی ئەپڵدا بۆ یەكەم جارە كە دوو پاتری بۆ مۆبایلەكانی دابنێت, پاتریەكانی مۆبایلەكە لە شێوەی پیتی L دانراوە, ئامانج لەم تایبەتمەندیە توانای زیادكردنی شەحنی مۆبایلەكانی ئەپڵە.

3. شاشەی OLED:
پێشتر مۆبایلەكانی ئایفۆن شاشەكەیان لە جۆری lcd بوون, بەڵام بۆ ئەم نەوەیە شاشەكە گۆڕاوە بۆ جۆری ئۆڵید كە چەندین جار لە شاشەكانی دیكە باشترە.

4- دەبڵ كامێرەی ستوونی:
سەرەڕای ئەوەی كە ئەپڵ دەبڵ كامێرەی بۆ ئایفۆن 7 دانابوو, بەڵام ئایفۆن X كامێرەكانی بە شێوەی ستوونی و لەسەر یەك دانراوە كە ئەمەش تایبەتمەندییەكی نوێی مۆبایلەكەی ئەپڵە.

5. شەحنی خێرا:
نەوەی نوێی ئایفۆن بە بەراورد بە نەوەكانی پێشخۆی شەحنكردنەوەی خێراترەو هەروەها بە شێوەی بێ كێبڵ ( وایەرلێس) شەحن دەكرێتەوە كە تەنها پێویستی بە بنكەیەك هەیە مۆبایلەكەی لەسەر دابنرێت.

6. مۆری ڕوخسار:
ناسینەوە لەڕێگەی ڕوخسارەوە نوێترین تایبەتمەندی مۆبایلی ئایفۆن X ە, بەمەش ئەپڵ شۆڕشێكی لە پیشخستنی مۆبایلەكانی ئەنجامدا.

گۆران قادر – الیوم السابع

 

ئـ . كـ