ئەمڕۆ (25) ساڵەی یەكەم نامەی (SMS) ە

یەک شەممە, 03 کانونی یەکەم 2017 07:14

 

 

ئەمڕۆ جیهان یادی (25) ساڵەی رەوانەكردنی یەكەم نامەی (SMS) دەكاتەوە، كە ئەوە بەسەرەتای شۆڕشێكی گەورە ئەژمار دەكرێت لەبواری تەكنەلۆژیادا.

لەگەڵ ئەوەی لەسەرەتادا گومان دەبرا نامەكەی (SMS) لەڕێگەی مۆبایل نەڕوات، بەڵام ئەوە پێچەوانە دەرچوو، بەڵكو نامەكە بەشێوەیەكی سەركەوتوو رەوانەكرا.
لەجیهانی تەكنەلۆژیادا (SMS) كورتكراوەی دەستەواژەی ئینگلیزی (service short message) ە.

بەپێی راپۆرتی ئاژانسی سكای نیوز، هەموو رۆژێك لەبەریتانیا (96) ملیار نامەی مۆبایلی رەوانە دەكرێت.

ئەندازیاری بەریتانی (نێل بابۆرت) لەساڵی (1993) هەڵسا بە رەوانەكردنی یەكەم نامەی مۆبایلی، تاكو ئەو كاتیش نامەی (SMS) لە بەریتانیا تەشنەی نەسەندبوو، بەشێوەی ئێستا، باجیش لەسەر ئەو كۆمپانیایانە داندرابوو كە ئەو جۆرە نامانە رەوانە دەكەن.

 

ئـ . كـ