لەبارەی فەیس بووك راپۆرتێك بخوێنەوە

هەینی, 05 کانونی دووەم 2018 11:55

 

 

فەیسبووك: ناوێكی ئاشنا لەلای بەكارهێنەرانی ئینتەرنێت، ماڵپەڕی فەیس بووك لە چواری شوباتی ساڵی (2004) لەلایەن (مارك زوكەربێرگ) كە ئەوكات لە زانكۆی هارڤارد دەیخوێند دامەزرێندرا سەرەتا فەیس بووك بۆ مەبەستی پەیوەندی لە نێوان قوتابیەكانی زانكۆ دامەزێندرا، بەڵام دوایی پەرەی سەندو لەناو خەڵكی بڵاوبوویەوە ئێستا زیاتر لە یەك ملیار بەكارهێنەری هەیە لە سەرتاسەری جیهان.

ماڵپەڕی فەیس بووك كاریگەری زۆری هەبووە لەسەر خەڵكی و حكومەتەكان بەتایبەتی لە بەهاری عەرەبی ساڵی (2011) كە فەیس بووك بۆوە هۆی ئەوەی چەندین ڕژێمی عەرەبی بروخێنێت.

سەرەڕای ئەوەی چەندین سەركردەو سیاسی بەناوبانگ لە جیهان كە خاوەنی پەخش و راگەیاندنی تایبەت بە خۆیانن، بەڵام بڵاوكراوەكانیان و بەیانامەكانیان هەر ڕێگەی ئەكاونت و پەیجی تایبەت بە خۆیان لە فەیس بووك بڵاودەكەنەوە بە بڕوای خۆیان فەیس بووك كاریگەری زۆر زیاتر هەیە لەسەر خەڵكی.

لە كوردستانیش خەڵكانێكی زۆر بەكارهێنەری فەیس بووكن، هەر چەندە بەكارهێنەری فەیسبووك كاریگەری زۆری كردۆتە سەر شیرازەی كۆمەڵایەتی بە جۆرێك لەسەر دین، لەسەر كۆمەڵگە، لەسەر خوێندن، لە كارو كاسبی دایبڕاندووین ئەوە جگە لەوەش بۆتە هەڵوەشاندنەوەو لێكترازانی چەندین خێزان.

ڕەنگە تا ئێستا كۆمەڵگەی كوردی لە واتەی بەكارهێنانی فەیس بووك تێنەیگەیشتبێت، چەندین كەس هەیە (15 – 12) كاتژمێر فەیس بووك بەكاردێنێ‌ ئەوەش بێگومان كاری گەری زۆری هەیە لەسەر تەندروستی بەكارهێنەر، هەتا لە نوێترین توێژینەوە دەركەوتووە دەڵێت نابێت ڕۆژانە لە (10) خولەك زیاتر فەیسبووك بەكاربهێنرێت.

جگە لەوەش فەیس بووك چەندین سوودی هەیە ئەگەر بێت و بەباشی بەكاری بهێنیت بۆ نموونە بەشداریكردن لە كۆرسەكان و فێربوونی زمان وە بەیەك گەیاندنی چەندین كەس و ڕزگاركردنی چەندین كەس لە سەرە مەرگ.


لە كۆتاییدا هەموو شتێك سوودو زیانی هەیە خۆی هەیە ئەگەر بێت و بە باشە یان بە خراپە بەكاربێنی فەیس بووكیش یەكێكە لەو شتە.

سەرچاوە / تێك ئای

 

 

ئـ . كـ