بەهۆكاری نەزاندراو، سەرۆكی سۆنی دەستی لەكاركێشایەوە

دوو شەممە, 05 شوبات 2018 06:55

 

 

گرنگترین هەواڵە تەكنەلۆژیەكان باس باسی دەستلەكاركێشانەوەی سەرۆكی كۆمپانیای سۆنیە، (كازوو هیرا) دوای (6) ساڵ كاركردنی وەك سەرۆكی كۆمپانیای سۆنی دەستی لەكاركێشایەوە.

(كازوو) دەڵێت: سۆنی بە كۆمەڵێك ئاستەنگی قورسدا تێپەریوەو سەركەوتنی بەدەست هێناوە، لە بوارەكانی تەلەفزیۆن و یاری و مۆبایل، كۆمپانیای سۆنی قازانجی تێداكردووە، بەڵام وەك ئاشكرایە سۆنی بازرگانی كۆمپیوتەری لەدەستداوە، وە كۆمپانیای سۆنی بەباشترین ئامێر دادەنرا كە توانیبووی پێش (ئێڵ جی و سامسۆنگ) بكەوێتەوە.

هەروەها كازوو ووتی: لە (2012) ەوە من هەمیشە ئەركی پاراستن و دڵنیایبوونەوەی كۆمپانیای سۆنیم كردووە، من هەمیشە ویستوومە كۆمپانیاكە جێگەی خواستی كریاران بێت و من شانازی بە خۆمەوە دەكەم، لەو چەند ساڵەی سەرۆك بووم ویستوومە قازانجی كۆمپانیاكە باشتر بكەم، دڵخۆشی من لێرەدا ئەوەیە هەمیشە خەڵكانێك هەبوون وتویانە سۆنی دەگەرێتەوە، شانازیەك كە دەیكەم بە خۆمەوە ئەوەیە جێگرەكەم (یوشیدا) هەمیشە پشتگیری كردوم یوشیدا هەمیشە ویستوویەتی ئامانجەكان بێنێتەدی، من بروام بە یوشیدا هەیە كە توانای دانانی پلان و گەورەی هەیە بۆ بەرێوەبردنی كۆمپانیاكە وە من لێرەوە پشتگیری تەواوی خۆم بۆ دەستەی نوێ رادەگەیەنم، كار دەكەین بۆ زیاتر بەرەو پێشچوونی كۆمپانیاكە.

كازوو هیرای ئاماژەی بەوە كردووە ئەمە مانای نییە كە كۆمپانیاكە دووربكەوێتەوە وە من لێرەدا سەرۆكی لێژنە دەمێنمەوە، یوشیدا هەمیشە هەوڵی سەركەوتنی كۆمپانیای سۆنی رەخساندوە.

یوشیدا لە وەڵامدا بۆ كازوو وتویەتی من زۆر سوپاسی كازوو هیرای دەكەم ، وە سوپاسی دەكەم بۆ ئەو متمانەی كە بە منیەتی منیش وەك سەرۆكی جێبەجێكاری سۆنی لێرەوە دڵنیایی دەدەم كە بەیەكەوە زیاتر كۆمپانیاكە بەرەوپێش ببەین، سەرەتای كاركردنم وەك جێبەجێكاری كۆمپانیای سۆنی ئەوەیە پلان بۆ گەنجینەو پاشان كاركردنم وە باشترین نەخشەكێشان دادەرێژین بۆ گەشەكردنی كۆمپانیاكە.

سەرچاوە / تێك ئای

 

ئـ . كـ