یارییە ئەلیكترۆنییەكان كاریگەری باشیشیان هەیە

دوو شەممە, 05 ئازار 2018 06:07

 

 

یارییە ئەلیكترۆنییەكان پێكهاتوون لەچەند یارییەك كە لە رێگەی ئامێرە ئەلیكترۆنیەكانەوە بەكاردەهێنرێت.

لەمڕۆدا یارییە ئەلیكترۆنییەكان منداڵانی بەزۆری بەخۆیەوە سەرقاڵكردووە، هەندێكیان بەشێوەیەكی زۆر نائاسایی یارییە ئەلیكترۆنییەكان بەكاردەهێنن كە ئەمەش كاریگەری خراپی لەسەر رەفتارو هەڵسوكەوت و تەندروستی ئەو كەسانە هەیە، لەكاتێكدا هەندێك لە شارەزایان بڕوایانوایە كە كاریگەری باشیشی هەیە.

زۆر بەكارهێنانی یارییە ئەلیكترۆنیایەكان هەندێك جار تەنها كات بەفیڕۆدانە ئەگەر بەشێوەیەكی بەرهەمدار بەكارنەهێنرێن.

بەكارهێنەری یارییە ئەلیكترۆنییەكان بەشێوەیەكی بەرچاو زیادیانكردووە ئەمەش بەهۆی ئەوەی كە ئەم یارییە ئەلكترۆنییانە چەند جۆرێكی جیاوازی هەیە، وەك: (پلەی ستەیشن و سمارت فۆن و ئێكس بۆكس) و چەندین یاری تریش، ئەمەش وایكردووە كە بەكارهێنەرێكی یەكجار زۆری هەبێت.

شارەزایانی بواری تەندروستی لەمبارەیەوە دەڵێن: زۆر بەكارهێنانی یارییە ئەلیكترۆنییەكان دەبێتە هۆی كزبوونی چاوو كاریگەری خراپی لەسەر هزرو مێشكی مرۆڤ هەیەو هەستی بیستنیش لاواز دەكات.

لەبەرامبەردا لەنووسینێكیدا لەپێگەی ئەلیكترۆنی (لغە العصر)، (هەبە ماهر) دەڵێت: بەگوێرەی توێژینەوەیەك، (%4) سروشتی منداڵان بەرەو توندوتیژی زیادی كردووە بەهۆی ئەو یارییە ئەلیكترۆنییانەی كە هانی منداڵان دەدەن بۆ توندوتیژی.

لەلایەكی ترەوە هەندێك لە توێژینەوەكان دەڵێن: یارییە ئەلیكترۆنییەكان بۆ نموونە وەك(ئیندەر گراوند) كە لەسەر دەستی (د. هنك هودمیكار) دروستكراوە كاریگەری باشی لەسەر كارامەیی جوڵەی منداڵ هەبووە.

بەڕای هەندێك لەشارەزایان بەكارهێنانی یارییە ئەلیكترۆنییەكان لە شوێنی تاریكیداو بەبێ بوونی هیچ جۆرە سەرچاوەی رووناكییەك كاریگەری خراپی لەسەر چاوی مرۆڤ دەبێت.

چارەسەركردنی ئەو كێشانەی بەهۆی یارییە ئەلیكترۆنییەكانەوە دروستبوون پێویستی بەوەیە كە لە ماڵ ‌و قوتابخانە رێنمایی منداڵەكان بكرێت تا بەشێوەیەكی زۆر ئەم یارییە ئەلیكترۆنییانە بەكارنەهێنن و رۆژانە تەنها ماوەی (2) كاتژمێر ئەم یارییە ئەلیكترۆنییانە بەكاربهێنن و شوێنی تایبەت بە یارییە ئەلیكترۆنییەكانی منداڵ هەبێت تاوەك ئەو یاریانەی كەبۆ منداڵان گونجاو نییەو كاریگەری خراپی لەسەر منداڵ هەیە بەكاری نەهێنن.

كەشتی نوح

 

 

ئـ . كـ