مۆبایلێكی لەم شێوەیە دروست دەكرێت

چوار شەممە, 04 تەمموز 2018 06:42

 

 

هەروەكو زاندراوە مۆبایلەكانی ئێستا هەموویان جۆرەها تایبەتمەندیان هەیەو شاشەكەیان گەورەیەو سەرنجی بەكارهێنەر بەلای خۆیدا رادەكێشێت تاكو بەردەوام بێت لەسەر بەكارهێنانیان.

نەخشەسازێكی بواری مۆبایل بیرۆكەیەكی تری هەیە، بۆ ئەو مەبەستە نیازی وایە بە شاشەیەكی بچووك مۆبایلێكی ناوازە دروست بكات.

(بێریك رۆمیۆڤ) نەخشەسازی بواری مۆبایل بۆ رۆژنامەی (میرۆر) ی ئینگلیزی رایگەیاندووە، مۆبایل لە ئێستادا زۆر كاریگەری بەسەر مرۆڤەوە هەیە، بۆیە واباشترە بیر لەوەبكرێتەوە كە شتێك دروست بكرێت كاریگەری كەمتر بێت.

ئەو نەخشەسازە بەرنامەی وایە مۆبایلێك دروست بكات كە شاشەكەی تەنها سێ‌ ئینج بێت و هەموو تایبەتمەندییەكان كە لە مۆبایلەكانی گاڵاكسی و ئایفۆن هەیە لەسەر ئەو مۆبایلە هەبێت.

هەروەها مۆبایلەكە بەشێوەیەكی ئاسایی كاردەكات و یارییەكان و داواكارییەكانی تێدا جێگیر دەكرێت و بە لەمسیش كار دەكات، بەڵام روون نییە كە ئاخۆ ئەو نەخشەسازە مۆبایلەكە دروست دەكات، یاخود تەنها بیرۆكەیە.

 

 

 

ئـ . كـ