بەكارهێنەرانی ئایفۆن ئێكس، ئاگاداربن ئەم كێشەیە هەیە

یەک شەممە, 11 تشرینی دووەم 2018 07:07

 

 

كۆمپانیای ئەپڵ ئاشكرای كرد، كێشەیەك هەیە لەدوو بەرهەمی نوێی كە ئەوانیش بریتین لە (ئایفۆن ئێكس و كۆمپیوتەری ماكپۆك پرۆ)، بۆ ئەو مەبەستەش بەڵێنیداوە بەخۆرایی چاكیان بكاتەوە.

كۆمپانیای ناوبراو بڵاویكردۆتەوە، هەندێك لەمۆبایلەكانی ئایفۆنی ئێكس شاشەكەیان كارناكات، یان بۆ ماوەیەكی كاتی دەوەستێت لەكاتی كاركردنیان، بەكارهێنەرانیش گلەییان كردووە، ئەوەش كێشەیەكە ڕووبەڕووی مۆبایلێكی نوێ‌ و تازە بۆتەوە.

هاوكات ئەپڵ باسی لەوەشكردووە، لەكۆمپیوتەری (ماكپۆك پرۆ) كێشە هەیەو ئەو سی دیەی دەخرێتە سەری دوای ماوەیەك لەكاركردن دەوەستێت.

هەروەها كۆمپانیاكە دەڵێت، ئەوان شاشەی مۆبایلەكان یان چاك دەكەنەوە یان دەیانگۆڕن، كۆمپیوتەرەكانیش چاك دەكەنەوە بەخۆڕایی.

 

ئـ . كـ